Đhâu yax iz shông lês hâux lưv nov hâu oz cấp, xã Phiêng Pằn tưz uô hâux lưv truôx njês jux juk. Hâur 7 luz hli hâu shông 2026, muôx 22/24 chỉ tiêu lês huv chaix; kôngz lông xav nhiax sâu tâu 34 tỷ 810 triệu nhiax. Tas nro xã muôx 2.526 ha cà phê, chos yiaz yax 442 ha, ntâu đuô xav 131 ha. Côngz xưv hlôngr số tâu lês jông, tưz cxênhz tiar dữ liệu 27.654/33.080 njux ar, txênhz yax 83%; yax 98% hồ sơ ntơưr tâu uô huv hnuz nhôngs thiaz tiar uô ntêx, 100% pêx xênhv huv siaz. Muôz 45 luz jok lok uô cê yuôr 26 luz jok.

 Têx đại biểu tưz tsi njênhk saz lax chia đơưk têx cêr txov nhêv cxưx nhiax uô cêr vax tsê thiaz hlôngr số; zok nhiax uô txox cêr Nà Ớt - Phiêng Pằn thiaz ntu txix Pá Nó - Trạm Cọ; cxiv tsa cơ sở dữ liệu, saiz car đêx ar, chuôz tav têz qơưk; uô sai Yar cơưv nội trú liên cấp Tiểu học - THCS Phiêng Pằn thiaz sir zôngv cov tas têx zav muôx txơưv ntơưv qơư.   

Ntơưv jias uô hâux lưv, đồng chí Lò Minh Hùng tưz kruôk têx hâux lưv xã Phiêng Pằn lês tâu hâur ntu muôz xã uô cê, huôv tsar nhiax txiax - xã hội, tsưx hưv truôx cêr nhaz xênhz têz qơưk. Đồng chí cxiz Ban Thường vụ Đảng ủy xã sâu têx njiaz luk saz lax tsês; đơưk sai têx cêr phiv liv; fuô lês nghị quyết đại hội đảng cxuô cấp thiaz lês trơưk đồng chí Tổng Bí thư Tô Lâm têx ndâux luk thâuv đros tỉnh uô hâux lưv; yôngv pênhr xưv chox car tổ chức đảng; cxênhz cán bộ uô hâux lưv trơưk đraiv phênhv shuôv chính trị.

Xã nzor njuôk tsov cov tiar tas nro cxuô zav; nthuôr huôv đêx ar fiv huv chos cà phê, têx kôngz jông gri thiaz huôv tsar tsiax cxu; khov uô dự án tsênhv chênhz trơưk njuôk tsov cxưx nhiax lês têx hâux lưv têz qơưk ntu đruôz đraz ntu 2026-2030; zênhx max zok nhiax uô têx hâux lưv têz qơưk. Iz chas ntơư, gruô hu têx tsêr luôv, hợp tác xã cxưx nhiax uô kôngz lông zôngv chuôz zênhx jông, uô lax luôv; saiz car ntov têx chuôz tav têz qơưk, đêx ar, cxiv puôz thiaz por hưv cêr nyiaz hur; phax tar hluôr tơưk cuz har jôngr; paz pêx xênhv sơưr đơưk muôx txâuk sir txâuk zôngv, tsưx hưv cêr nhaz xênhz têz qơưk, nhaz xênhz đriv têz...

Uô ntêx ntơư, đồng chí Lò Minh Hùng đros paz nov uô côngz xưv tưz cxênhz yuôx hâux lưv uô Yar cơưv nội trú liên cấp Tiểu học - THCS Phiêng Pằn thiaz Dự án kho ntu cêr txix xã Phiêng Pằn đhâu Zênhx đriv têz 459 txos Ndêx 219 Sơn La. Nhiv no, Yar cơưv nội trú liên cấp Tiểu học - THCS Phiêng Pằn tưz uô tiar 88%; têx qar tsêr cơưv, tsêr nhoz, tsêr mor, qơư uô hâux lưv taz tov đhok chuôz zênhx; sir jos uô cov tiar cxuô zav uô ntêx hnuz 20/8. 

Đồng chí Phó Bí thư Thường trực Tỉnh ủy tưz kruôk têx tsưr cxưx nhiax, đơn vị uô cxiz nênhs, chuôz zênhx uô cov sai. Đồng chí cxiz cov uô jông trơưk đraiv kỹ thuật, nhaz xênhz; jav uô têx zav paz trâu shông cơưv yiaz uô ntêx. Tsưr cxưx nhiax njuôk tsov đhok điện yar ntux jiaz sâuv trur tsêr, uô tiar ntơưr chia zok nhiax; xã Phiêng Pằn đros nhav, zok yar cơưv saiz car hnuz kriz shông cơưv xiaz 5/9.