Cias thâuv sơưr nzor, cử tri têx Tiểu khu 4, 5, 6 tưz tuôx trâu thax qơư tso phiếu hnar trik yo jông jav, têk tuôr thẻ cử tri kaz siaz lus, pov njôngr tsiv txiax los, cax siaz lus Hnuz gruôv pax têz qơư.

Ntơưv Thax qơư tso số 15 muôx 1.970 cử tri, hâur ntơư 1.948 cử tri tuôx bầu cử 3 cấp thiaz 22 cử tri tuôx bầu cử 2 cấp. Têx cử tri sẽ tso phiếu bầu 3 đại biểu Quốc hội, 4 đại biểu HĐPX tỉnh thiaz 3 đại biểu HĐPX xã.

Tov kaz chuôz kriz, ndax 7 six tais cik, đồng chí Phó Bí thư Thường trực Tỉnh ủy, Chủ tịch HĐPX tỉnh đros têx cử tri piz lês vax huôv tiz nênhs ntơưv zuk. Hâur cêr lês tsiv txiax los, kaz siaz, cử tri ntux juk chêr thẻ cử tri, nhav phiếu bầu, tso xav bê ứng cử viên thiaz tưx zuk têk tso phiếu trâu far.

Iz thax qơư tso phiếu puôr lênhx muôx far phiếu phụ, đros ntơư cxênhz yuôx têx tus cử tri lâuk jos ntâus, muôx moz, tuôx tsik tâu txos thax qơư tso phiếu chia muôx far phiếu phụ gra txos qơư. Lưv ciz tso phiếu phụ tâu kria ntov, chok nzxiak zos chai  têz qơư, kriz lus, mênhx pêv thiaz nhaz xênhz.

Cuz siaz lus tok tso phiếu, muôv Lương Thị Thủy, Tiểu khu 5, xã Mai Sơn, công nhân Công ty cổ phần Caz tsiz thax njêr Sơn La, thav tiak: Cur lok sik jông siaz tâu lês vax huôv tiz nênhs ntơưv zuk hâur hnuz bầu cử. Tok nrư têx đại biểu tâu cử tri nhiav zuôr zos têx nênhs ndơưs pêx xênhv, mnôngs cêr khov ntơưv nênhs uô nuv; tror moz siaz taix khov têx cêr chai, nhiax txiax paz huôv tsar thax qơư chos tơưv kôngz txir, truôx njês trâu tsês luôv, đhâu ntơư muôx nzir ntâu nuv uô truôx njês trâu nênhs uô nuv zuk thax tsav.

Xã Mai Sơn muôx 10 đơn vị bầu cử, 28 thax qơư tso bỏ phiếu, đros hur si 36.087 cử tri tso phiếu,  xair 3 đại biểu Quốc hội, 4 đại biểu HĐPX tỉnh thiaz 30 đại biểu HĐPX xã ntu 2026 -2031. Chia cử tri lês cxix cxuô vax huôv thiaz phênhv shuôv tiz nênhs, Ủy ban bầu cử xã Mai Sơn tưz chox car têx ban bầu cử, tổ bầu cử yuôx ntov bê cử tri, phaiz thẻ txos yênhx ziv nênhs; đros ntơư sir jos fuô kria đhâu loa tso suôz thiaz têx côngs Zalo ntơưv tổ, jok chia pêx xênhv pâuz tsênhz six hơưv, qơư tso phiếu.

Tov kaz lês vax huôv tiz nênhs ntơưv Thax qơư tso phiếu số 15, đồng chí Phó Bí thư Thường trực Tỉnh ủy, Chủ tịch HĐPX tỉnh tưz muk cxênhz yuôx côngz xưv bầu cử ntơưv têx thax qơư tso phiếu thax tsav têx xã Mai Sơn, Tà Hộc, Chiềng Sung thiaz Chiềng Mung, yuôx kriz bầu cử, cxơưz têx tổ bầu cử lês zos lưv ciz, chok nxiak hnuz bầu cử kriz tâu vax huôv siz luôs, nhaz xênhz, zos chai têz qơư.

Tov kaz txuv Jâus kriz thiaz lês vax huôv tiz nênhs ntơưv Thax qơư tso phiếu số 15, xã Mai Sơn, đồng chí Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh đros paz côngz xưv tỉnh tưz muk cxênhz yuôx côngz xưv bầu cử.

Đồng chí Phó Bí thư Thường trực Tỉnh ủy, Chủ tịch HĐPX tỉnh đros paz côngz xưv ntơưv tỉnh tưz cxênhz yuôx ntơưv iz cxia Thax qơư tso phiếu ntơưv xã Mai Sơn, xã Chiềng Mung, xã Chiềng Mai, Mường Chanh thiaz xã Phiêng Cằm.

Đhâu cxênhz yuôx, côngz xưv kriz bầu cử ntơưv têx thax tsav tâu fuô lês ntov, zos lưv ciz thiaz ntơưr kria. Têx vax tsê, xav tok kruô ntơưv têx thax qơư tso phiếu tâu bax cxix cxuô; bê cử tri, bê thiaz cêr cơưv ntơưv têx ứng cử viên đại biểu Quốc hội thiaz đại biểu HĐPX têx cấp tâu lo ntơưr cxix cxuô, zos chai; têx tổ bầu cử lês zos lưv ciz, kria cử tri tso phiếu trơưk chai. Hnuz bầu cử kriz tâu vax huôv siz luôs, cax siaz, cử tri trâu siaz lês vax huôv thiaz phênhv shuôv tiz nênhs.

Đồng chí Phó Bí thư Thường trực Tỉnh ủy, Chủ tịch HĐPX tỉnh sâu nhav thiaz kruôk txos cêr ndo njôngr, muôx phênhv shuôv ntơưv cấp ủy, nov hâu thax tsav thiaz têx tổ bầu cử hâur côngz xưv bax thiaz kriz hnuz bầu cử. Đros ntơư cxiz cov têx thax tsav tsi njênhk cêr xav, lês ntov têx lưv ciz xav ntơưv chai têz qơư lok sâuv bầu cử; paz zôngv ziv chia cử tri tuôx tso phiếu cxix cxuô, chok nxiak vax huôv thiaz phênhv shuôv tiz nênhs. Têx tổ bầu cử tsuv uô jông côngz xưv cxênhz yuôx, kria cử tri tso phiếu zos lưv ciz; zênhx max kho đơưk têx muôx yưv; chok nxiak jâus bầu cử kriz vax huôv siz luôs, zos chai, nhaz xênhz, txuôs cxuô zav thiaz yênhx côngz jông gri. Lar haik, tuôr xav far phiếu phụ chia hur si cử tri puôr lênhx tâu tso phiếu chok nxiak têx cử tri tso phiếu tâu ntâu yax uô tiar bầu cử uô ntêx 19 six tsâuk ntux hnuz ntơư.