Hâur jias cơưv, thơưx car phường Tô Hiệu tưz kria pâuz hâux lưv huôv tsar nhiax txiax - xã hội, por hưv njias to thax tsav 6 hli hâu shông; hâux lưv zov chênhr 6 hli kaz shông 2026. Tổ đại biểu HĐPX tỉnh tưz kria trâu cử tri têx hâux lưv lês tâu hâur Jias cơưv chuyên đề ntơưv HĐPX tỉnh; tuôr xav njiaz luk, cxênhx cxênhv, six hơưv kriz Jias cơưv tiv oz HĐPX tỉnh khóa 16; đros ntơư kria pâuz hâux lưv tu cử tri têx ndâux luk khov trơưk vax huôv.

Hâur jias cơưv, cử tri phường Tô Hiệu khov cov lês mênhx phênhv shuôv trâu tsưr cxưx nhiax hâur lês têx hâux lưv ntơưv Dự án Vincom Sơn La; lês sai hâux lưv cxiv puôz ciaz ntơưv tổ 2 Quyết Tâm, ntu cêr 25 m Hoàng Quốc Việt - Mé Ban- Trần Đăng Ninh, cưx đêx ntơưv Chiềng Sinh lok trâu tus đêx Nặm La.

Cử tri cux khov cov Tổ đại biểu HĐPX tỉnh xa trâu cơ quan muôx vax huôv nzor lês Dự án kriz đar txox cêr ntơưv Két Nước thiaz đhok kê tênhz pov cêr; kriz đar têx tsêr txux chi tổ dân phố tov kaz muôz lok uô cê; nzor tik bê ntu cêr Điện lực - Lò Văn Giá; muôz nhiax kriz đar txox cêr Nguyễn Du (ntu ntơưv txox cêr Lê Đức Thọ txos trâu Công ty cổ phần In Sơn La)...

Hlôngr njêx muôs UBPX phường Tô Hiệu khov cov UBPX tỉnh moz siaz muôz nhiax thêv trâu têx tsưr muôx qơư lâuz ar tưz tâu tuôr xav hâur thax tsav têx phường Chiềng An, Chiềng Sinh, chia cov têx dự án lês tâu hâux lưv zênhx max; nzor tso tơưv ntâuz ntơưr lok sâuv cêr chai muôz nhiax trâu têx nênhs lês hâux lưv tsik chuyên trách ntơưv tổ dân phố tov kaz muôz lok uô cê trơưk cêr chai yiaz ntơưv Chính phủ.

Muôx luk jias cơưv, đồng chí Lò Minh Hùng tưz kruôk txos têx zav uôk phường Tô Hiệu lês tâu hâur ntu đhâu; đros ntơư, sâu tsês cử tri têx ndâux luk. Đồng chí cxiz cov cấp ủy, nov hâu phường tror nthuôr huôv jông cêr thôngx siaz chia cov lês tâu nuv jông đuô; sir jos lês jông hâux lưv huôv tsar nhiax txiax - xã hội, por hưv njias to thax tsav; moz siaz hlôngr uô ntâuz ntơưr têz qơưk, hlôngr pâur số; đơưk zênhx max têx cêr phiv liv muôx yưv ntơưv thax tsav, paz pêx xênhv muôx cêr thôngx siaz, jông siaz đros lês cxuô zav hâux lưv.

Haik txos cử tri têx ndâux luk khov zos tỉnh vax huôv tu, Tổ đại biểu HĐPX tỉnh tưz sâu chia xa trâu HĐPX tỉnh, UBPX tỉnh thiaz têx cơ quan muôx vax huôv saz lax, tu trơưk đraiv cêr chai.