Đhâu cxênhz, đồng chí Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh khóa 15, tror tâu xair uô Chủ tịch HĐPX tỉnh khóa 16 đros trâu 100% đại biểu muôx njêx muôs jông siaz xair. HĐPX tỉnh tưz tso tơưv nghị quyết công nhav hâux lưv uô tâu hâur xair Chủ tịch HĐPX tỉnh ntu 2026-2031.

Đros trâu muôx ntâu đaiv ntơưr xair, têx đồng chí: Vi Đức Thọ, Ủy viên Ban Thường vụ Tỉnh ủy, Phó Chủ tịch Thường trực HĐPX tỉnh khóa 15 thiaz đồng chí Nguyễn Việt Cường, Phó Chủ tịch HĐPX tỉnh khóa 15 tâu xair uô Phó Chủ tịch HĐPX tỉnh khóa 16, ntu 2026 - 2031. HĐPX tỉnh tưz tso tơưv nghị quyết công nhav hâux lưv uô tâu hâur xair Phó Chủ tịch HĐPX tỉnh ntu 2026 -2031.

Tror uô trơưk cxênhx cxênhv Jias cơưv, chia lês tiar hâux lưv cxiv tsa qơư, tiz nênhs uô côngz xưv, HĐPX tỉnh tưz xair thơưx têx ban ntơưv HĐPX tỉnh thiaz tso tơưv nghị quyết công nhav hâux lưv uô tâu hâur tso ntơưr xair. Đros trâu muôx ntâu ntơưr xair đồng chí Quàng Văn Dũng, Phó Giám đốc Sở Công Thương, đại biểu HĐPX tỉnh khóa 16, tâu xair uô Thơưx Ban Kinh tế - Ngân sách HĐPX tỉnh; đồng chí Quàng Thị Xuyến, Thơưx Ban Txux chi - Xã hội HĐPX tỉnh khóa 15, đại biểu HĐPX tỉnh khóa 16, tâu xair uô Thơưx Ban Txux chi - Xã hội, HĐPX tỉnh khóa 16; đồng chí Hoàng Thị Lương Tâm, Phó Chủ tịch Ủy ban MTTQ Việt Nam tỉnh, đại biểu HĐPX tỉnh khóa 16, tâu xair uô Thơưx Ban Dân tộc, HĐPX tỉnh thiaz đồng chí Lò Linh Loan, Lưv Thơưx Ban Nội chính Tỉnh ủy, đại biểu HĐPX tỉnh khóa 16, tâu xair uô Thơưx ban Pháp chế HĐPX tỉnh.

Fuô luk nhav hâux lưv, hlôngr njêx muôs têx đại biểu nhiv kruôr tâu HĐPX tỉnh xair uô thơưx car ntơưv HĐPX tỉnh khoá 16, ntu 2026 – 2031, đồng chí Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh lok six uô Ban Bí thư Trung ương Đảng tsâus ntâu; đồng chí Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh, đros Ban Thường vụ Tỉnh ủy, Ban Chấp hành Đảng bộ tỉnh, têx đại biểu HĐPX tỉnh tưz njênhs njôngr xair nưk uô thơưx car hâur Thường trực HĐPX tỉnh.

Đồng chí nhav nxiak, kror jông siaz xair ntơư zos qơư chuôz zov chênhr paz Thường trực HĐPX tỉnh tror sir jos, tsik tsês cơưv shâuv chia uô tiar hâux lưv tâu zok. Đros trâu hâux lưv yiaz, đồng chí Lò Minh Hùng đros têx đại biểu nhiv kruôr tâu xair chos luk zuôr tror txuôs jông cênhz cưv uô têz uô qơư thiaz têx hâux lưv uô tâu ntơưv têx fâuv nênhs uô ntêx; sir jos nhav uô tiar phênhv shuôv trâu Đảng bộ, nov hâu thiaz pêx xênhv cxuô hair nênhs hâur tỉnh; cxơưz kror muôx đas jos ntơưv hur sir cêr chai ndêx ntus chính trị thiaz kror jông siaz ntơưv cử tri, tsik so hlôngr yiaz, lês muôx kaz hâu HĐPX tỉnh hâux lưv. Tsik tsês cơưv shâuv tsiv txiax cách mạng; uô nênhx thiaz uô côngz xưv trơưk chai; fuô lês ntov nti kror chox car ntơưv Trung ương thiaz Tỉnh ủy; sir jos tir tar nênhs nox nhiax têz qơưk, xuôv nhiax txiax. Txuôs jông kror thôngx siaz, thôngz ndâux luk, đrơưv đrôngk thiaz muôx phaz nzưr chia hla đhâu ntâu cêr txov nhêv.

Haik mênhx, luôs hâux lưv yiaz zos côngz mênhx lox taz sik cux zos phênhv huôv hnhar, Chủ tịch HĐPX tỉnh nhav nxiak zuôr đros têx cơ quan Trung ương thiaz Ban Thường vụ Tỉnh ủy siz txuôk luk; đros Thường trực HĐPX, têx Ban ntơưv HĐPX thiaz Paz đại biểu Quốc hội, UBPX, Ủy ban MTTQ Việt Nam tỉnh thiaz têx tổ chức chính trị - xã hội siz chos lês hâux lưv muôx kaz hâu. Tsik tsês uô jông mnôngs, zênhx max kria pâuz cxix cxuô cử tri cêr xar, chia siaz txos HĐPX; tsik so cxênhz yuôx hâux lưv tu pêx xênhv têx ndâux luk khov. Sir jos cxiv tsa HĐPX lar tsiv nhos zos cơ quan vax huôv têz qơưk ntơưv thax tsav, hlôngr njêx muôs trâu pêx xênhv cêr xar, chia siaz thiaz vax huôv uô tsưr luz nênhx.

Sir jos lês cov tiar tsưr ziv tso tơưv, đồng chí Lò Minh Hùng haik mênhx hâux lưv moz siaz fuô lês tiar Nghị quyết Đại hội Đảng bộ tỉnh jâus tiv 16, ntu 2025 - 2030. Sir jos cxiv tsa tỉnh Sơn La huôv tsar njuôz, sai, truôx njês, sir jos yênhx Trung tâm nhiax txiax - xã hội ntơưv thax tsav Tây Bắc trâu shông 2030. Chia uô tiar hâux lưv no, đồng chí xar cov tror nhav tâu kror moz siaz chox car ntov nti ntơưv têx đồng chí hâur Ban Thường vụ, Ban Chấp hành Đảng bộ tỉnh; kror thôngz ndâux luk hâur cêr xar thiaz lês trơưk đros trâu kror sir jos tsik tsês ntơưv têx đại biểu HĐPX tỉnh, cán bộ, đảng viên, chiến sĩ lực lượng vũ trang; cxuô cấp, cxuô ngành, têx cơ quan, đơn vị, thax tsav; kror jông siaz đros uô ntơưv têx tsêr luôv, tuz luôv, ntơưv cử tri thiaz Pêx xênhv hâur tỉnh chia uô tiar jông hâux lưv tâu zok.