Long Hẹ zos xã Tox siaz thax tsav 3, thax tsav lok sik txov nhêv ntơưv tỉnh Sơn La, tov kaz sâu uô cê hnuz 1/7/2025, xã tưz kho 1 luz tsêr đos đis xav nhiax paz 40 triệu đaiv txix nhiax têz qơưk, hlôngr nhiax xã É Tòng kuz. UBPX xã Long Hẹ tưz yuôx zuk thax tsav têx jok, txos hnuz 30/3/2026, xav khov kho tsêr đos đis, xâu nas zuk thax tsav muôx 15 ziv cxaz nzir.

Lok sâuv côngz xưv hlôngr ntơưr hành chính, Trung tâm uô ntâuz ntơưr hành chính xã tsik tsês tâu cxiv kho, cxênhz cêr chox lês thiaz uô nuv muôx liv. UBPX xã tưz chox car Trung tâm paz max hành chính công tsik so kria, paz pêx xênhv nộp hồ sơ pov njôngr hâur kror trôngx uô nuv têz qơưk thiaz taz nhav, uô 1164 luz hồ sơ. Xav điểm pêz luz hli hâu shông 2026 tâu 94.64 điểm, sơưr tiv 59/75 xã.

Đồng chí Phó Chủ tịch UBPX tỉnh cxiz cov xã Long Hẹ yuôx têx ziv txâuk chai kho tsêr đos đis đros cêr tuôr xav, kho đuô qơư nhoz trâu pêx xênhv; xuz paz têx ziv tưz muôx nhoz hâur cêr xav, sir jos cov têz qơưk thiaz muôz ntơưr chênhr nhav vax huôv sir zôngv ar tov kaz kho tsêr đos đis. Đồng chí haik tsênhz, kho tsêr đos đis tsuv đros đraiv cêr paz nox nhoz, muôx nuv uô, muk uô nuv luôs oz chas têz, yôngv siaz ntu nênhx nhoz trâu pêx xênhv; tsov xav cxiv tsa jok zav jông trâu sơưr đơưk shâuv đros trâu cxuz cêr pluôs truôx njês, cxiv kho jêx jok yiaz. Têx sở, ngành tror paz xã đơưk cêr chor nhov, khuôv đais.

Lok sâuv hlôngr ntơưr hành chính, đồng chí cxiz cov xã sir jos fuô kria, lês ntov têx chai chox car ntơưv Trung ương thiaz ntơưv tỉnh; tsik so uô ntâuz ntơưr hành chính pov njôngr, số hlôngr uô ntâuz ntơưr, yôngv siaz cêr paz pêx xênhv thiaz tsêr luôv, sir jos yôngv điểm paz max ndê 96,5 điểm./.