Cêr sik tưr Hur si pêx xênhv côngv por hưv truôx njês Têz qơưk nhoz njias to hâur thax tsav phường Thảo Nguyên tâu fuô lês đêz đar, gruô hu chôngz pêx xênhv côngv đros uô. Công an phường tưz tưx saz lax thiaz kriz jias phax tar, tsik chia pov yưv têx txuz nxor hnho, cxuô zav tsik tâu bax cxix, cêr xar tsik txos, muôx nzir cêr "cuz nxor". 100% tổ dân phố, cơ quan, tsêr luôv, yar cơưv tưz sâu bê chos luk txâuk chai "Por hưv truôx njês cêr njias to". Txuôs muôx kaz hâu 183 paz ntâu ziv nênhs tưx saiz car; 17 paz tu plâuz ntơưv cơ sở tsik so pâuz mênhx thax tsav, tu tiar zênhx max têx kror tsik siz huv hâur pêx xênhv, paz uô jông côngz xưv tsưx truôx cêr njias to txix cias cơ sở.

Fuô luk hâur Hnuz grâuv pax, đồng chí Nguyễn Đình Việt haik mênhx: Phường Thảo Nguyên zos thax tsav zov chênhr hâur huôv tsar nuôv zax, uô lax luôv thiaz nhiax txiax ntơưv tỉnh, taix nus tsik zos txuôs jông truôx njês cêr njias to xưz mak tsuv cxiv tsa luz nênhx nox nhoz njias to, uô luôv ndax ndênhk mênhx pêv, huôv tsar nuôv zax vav mênhx thiaz siz hluz siz paz, tâu pêx xênhv, tsêr luôv thiaz kruô nuôv zax njênhs njôngr. 

Đồng chí Chủ tịch UBPX tỉnh cxiz cov phường Thảo Nguyên siz chos fuô lês ntov nti hâux lưv por hưv truôx njês cêr njias to đros trâu tsưr ziv huôv tsar nhiax txiax, xã hội ntơưv thax tsav. Yênhx ziv nênhs zos iz kror qơư txuôs jông cêr njias to, yênhx tus pêx xênhv zos iz tuyên truyền viên, côngv têk por hưv truôx njês jêx jok nhoz njias to. Tror tsik tsês hlôngr pâur số hâur saiz car xã hội; sir zôngv cêr txơưx fiv, chuôz zênhx jông chia paz pêx xênhv uô tiar ntâuz ntơưr tâu sai, saiz car muôx kaz hâu chia nzor tir tar têx nênhs cxâuv zênhx max. Sir jos txuôs jông côngz mênhx zos thax tsav nhaz xênhz, vav mênhx, nhiav kruô, yênhx kror qơư txơưx huôv tsar nhiax txiax, xã hội đros trâu tsưx truôx thax tsav tỉnh nhoz njias to.

Ntơưv Hnuz grâuv pax tưz cxiv tsa tsưr ziv “Thax tsav muôx pêx xênhv nhoz chôngz tsik muôx têx mê nhuôv cxâuv chai hâur cêr sik tưr Hur si pêx xênhv côngv por hưv truôx njês Têz qơưk nhoz njias to” ntơưv tổ dân phố Minh Châu thiaz sâu bê chos luk lês jông sik tưr Hur si pêx xênhv côngv por hưv truôx njês Têz qơưk nhoz njias to shông 2026.

Ndax jias no, hlôngr njêx muôs Tỉnh ủy, HĐPX, UBPX, Ủy ban MTTQ Việt Nam tỉnh, đồng chí Nguyễn Đình Việt tưz krưr huv trâu 4 paz pơưs, 3 tus khênhx gruôs uô hâux lưv jông; Giám đốc Công an tỉnh puz ntơưr kruôk trâu 1 paz pơưs, 1 tus khênhx; UBPX phường puz ntơưr kruôk trâu 5 tus khênhx lês muôx kaz hâu cêr sik tưr Hur si pêx xênhv côngv por hưv truôx njês Têz qơưk nhoz njias to.