Jias no, thơưx car xã Xuân Nha tưz kria pâuz hâux lưv huôv tsar nhiax txiax- xã hội, tsưx truôx thax tsav nhoz njias to 7 hli hâu shông; tsưr ziv uô 5 hli kaz shông 2026. Tổ đại biểu HĐPX tỉnh tưz kria pâuz hâux lưv uô tâu hâur Jias cơưv tiv oz, HĐPX tỉnh khóa 16, ntu 2026-2031; cxuô kror uô tâu hâur tu cử tri têx ndâux luk khov cik txos hâux lưv njiz cử tri. 

Cử tri xã Xuân Nha khov cxuô cấp, cxuô ngành moz siaz cxiv kho, uô yiaz txox cêr muk lok hâur tỉnh 102, ntu txix cêr yuôv Vân Hồ txos Trung tâm xã Xuân Nha; cxaz nzir têx nhiax pênhr chia xã cxưx nhiax cxiv kho, uô yiaz txox cêr muk lok hâur jok, ntâu luz jok; cxưx nhiax cxiv puôz txox cêr cxênhz yuôx đriv têz; cxưx nhiax uô yiaz tsêr txux chi trâu têx jok tov kaz côngv muôz lok uô cê; bax trâu yênhx luz jok 1 gơưv máy tính chia paz max hâux lưv uô trơưk Nghị quyết số 57, đros ntơư cxơưz pêx xênhv uô tiar têx ntâuz ntơưr tâu sai sâuv huôz chuô điện tử; paz nhiax pênhr cxiv tsa têx tsưr ziv huôv tsar nhiax txiax; huôv tsar kôngz lông- har jôngr truôx njês đros trâu por hưv jôngr thax tsav đriv têz nhoz njias to; chox car tsưr cxưx nhiax uô dự án Yar cơưv Phổ thông nội trú liên cấp Tiểu học thiaz THCS Xuân Nha moz siaz zênhx max uô tiar hâux lưv tâu zok, paz nzor lês tiar yar cơưv uô ntêx shông cơưv yiaz 2026-2027 zos chai.

Fuô luk jias cơưv, đồng chí Chủ tịch UBPX tỉnh tưz kruôk trâu xã Xuân Nha têx hâux lưv uô tâu hâur huôv tsar nhiax txiax, xã hội, tsưx truôx thax tsav nhoz njias to thiaz fuô lês tsưr ziv nov hâu thax tsav oz cấp ntu đhâu.

Đồng chí Chủ tịch UBPX tỉnh cxiz cov cấp ủy, nov hâu xã tror hlôngr yiaz muôx kaz hâu hâux lưv ntơưv nov hâu thax tsav, nhav nxias qơư uô côngz xưv têz qơưk uô hâux lưv thôngz plơưk, jê pêx xênhv thiaz paz pêx xênhv uô tiar ntâuz ntơưr tâu sai. Tsik so txo tsơưs ntâuz ntơưr, hlôngr pâur số; zênhx max kria pâuz, paz pêx xênhv đơưk tâu cêr txov nhêv thâuv uô ntâuz ntơưr, lar haik pêx xênhz nhoz têx jok đêz. Moz siaz huôv tsar kôngz lông, cxơưz pêx xênhv muôx hâux lưv uô thiaz sâu nzir nhiax zôngv; xair chos kôngz lông, tu zus tsiax cxu fiv huv luz nênhx, cêr huôv tsar cê uô lax luôv; moz siaz huôv tsar nhiax txiax kôngz lông, har jôngr truôx njês đros trâu por hưv jôngr. Đros têx tsưr muôz nhiax uô thiaz têx cơ quan cik txos, zênhx max đơưk tâu sai têx cêr chor nhov pov yưv; đros ntơư, bax siz luôs jok têx kror zov chênhr chia Yar cơưv Phổ thông nội trú liên cấp Tiểu học thiaz THCS Xuân Nha nzor tâu uô tiar thiaz muôz zok sir zôngv muôx kaz hâu.

Têx tsôngv Công an, Quân sự, Đriv têz tror siz chos fuô lês ntov nti, pâuz mênhx thax tsav, por hưv txox cêr, ndêx chiv đriv têz thiaz thax tsav nhoz njias to; moz siaz tir tar zênhz thiaz têx nênhs cxâuv chai, por hưv pêx xênhv uô nênhx nhaz xênhz.

Nênhs hlôngr njêx muôs Tổ đại biểu HĐPX tỉnh, đồng chí Chủ tịch UBPX tỉnh tưz uô jông mnôngs, têz têx ndâux luk nus zos li vax huôv; đros ntơư sâu tsês hur si têx ndâux luk khov chia tỉnh thiaz têx cơ quan muôx vax huôv cxênhz yuôx, paz tu tiar zos chai.