Ntơưv têx công trình, đồng chí Chủ tịch UBPX tỉnh tưz mnôngs fuô cêr cxiv puôz, muôz nhiax cxiv tsa, cxiz nênhs, muôz têx zav cxiv puôz thiaz têx chor nhov, khuôv đais hâur cêr fuô lês. Trơưk fuô ntơưv têx tsưr cxiv tsa, nênhs ntiar tưz cxiz tas máy móc, tiz nênhs, kriz uô cxaz lưv thiaz kho đuô six hơưv uô fiv huv ntux yar ntux nas; côngv uô tiar têx zav tsênhv chênhz, li: Tsêr cơưv ntơưr, tsêr nhoz bán trú, tsêr hiệu bộ thiaz cxuô zav jông fiv.Txos nhiv no, têx nuv ntơưv têx yar cơưv xã Yên Sơn tâu 97%, xã Lóng Phiêng tâu 95% thiaz xã Phiêng Khoài tâu 77%. 

Tov kaz cxênhz, đồng chí Chủ tịch UBPX tỉnh tưz kruôk txos têx sir jos ntơưv tsưr cxiv tsa, nênhs ntiar thiaz nov hâu thax tsav hâur kho đơưk chor nhov, chok nxiak hnuz nhôngs uô têx dự án. Đồng chí cxiz cov tsưr cxiv tsa cxiz nênhs ntiar uô sai, chia tiar cxuô tsar zav thiaz ntâuz ntơưr uô ntêx hnuz 30/8; qêz hur qơư uô, kho tênhv trôngx tos thâuv qar tsêr cơưv uô tiar chia zênhx max pov, kho têx txơưr viv txos điện, đêx thiaz cxuô zav; tsik so saiz têx tuz cơưv, cưk kria txos hnuz 5/9; kriz lês siv chia xav mênhx cêr khov nhiax txiax. Đros ntơư, bax cxix cxuô têx zav kriz muôz zôngv, chok nxiak muôx qơư tok nrư paz max shông cơưv yiaz.