Trơưk cxênhz, shông 2024, thành phố Sơn La thâuv ntêx tưz tuôr xav cxiv puôz Tsêr kho moz Đa khoa thành phố hâur thax tsav tsêr kho moz kuz chia muôx txâuk qơư njuôk, kho moz trâu pêx xênhv. Taz sik, tov kaz cxiv tsa nov hâu thax tsav 2 cấp, cêr tuôr xav cxiv puôz Tsêr kho moz Đa khoa thành phố tưz tsik fiv huv. Li ntơư, tỉnh tuôr xav chia kho đuô kror qơư tiv 2 ntơưv Tsêr kho moz Đa khoa tỉnh Sơn La chia sir zôngv têx chuôz zênhx nhiv no muôx jông đuô.

Nhiv no, Tsêr kho moz Đa khoa tỉnh tưz cxiv kho đuô txix li 550 txos 750 luz txax pư chia fiv huv trâu hâux lưv njuôk, kho moz trâu pêx xênhv. Taz sik, cơ sở 2 tâu muôz nhiax cxiv puôz tâu ntêr shông, tưz piav tas ntâu. Kror qơư no, nhiv no tsênhv muôx 4 qar njuôk kho moz đros trâu 30 luz txax pư chia njjuôk, kho moz trâu pêx xênhv.

Trơưk tuôr xav, Dự án zuôr kho đuô ntâu zav li: Tsêr kho moz 4 yôngx, tsêr khoa chơưv moz, tsêr kho moz khoa nội A, tsêr liên khoa, tsêr uô hâux lưv, thax qơư trâu khâuz nhaz thiaz têx hâux lưv txơưr. Đros ntơư, muôx 7 khoa lês hâux lưv đros trâu 100 luz txax pư.

Muôx luk hâur jias cxênhz yuôx, đồng chí Chủ tịch UBPX tỉnh cxiz cov têx sở, ngành tror cxênhz, lês tiar tsưr ziv lês hâux lưv cov fiv huv, bax chuôz zênhx, tiz nênhs lês nuv chia cov fiv huv. Đros ntơư, moz siaz cxiv puôz cxix cxuô zav chia cov por hưv tâu jông qơư njuôk kho moz hur si, nhaz xênhz, zôngx ziv chia pêx xênhv tuôx njuôk, kho moz.

Hâux lưv kho đuô kror qơư tiv 2 ntơưv Tsêr kho moz Đa khoa tỉnh Sơn La zuôr paz sir zôngv tâu jông têx chuôz zênhx thiaz nênhs lês hâux lưv nhiv no muôx, cxơưz paz lês jông hâux lưv njuôk, kho moz trâu pêx xênhv hâur thax tsav.