Hâur têx qơư muk cxênhz yuôx, đồng chí Chủ tịch UBPX tỉnh tưz mnôngs têx nênhs lês hâux lưv kria pâuz tsưr ziv lês nuv thiaz kria pâuz têx cêr phiv liv, chor nhov hâur ntu fuô lês hâux lưv. Trơưk tsưr cxưx nhiax kria pâuz, txos nhiv no Yar cơưv Phổ thông dân tộc nội trú liên cấp TH-THCS Xuân Nha tưz lês tâu zuôr luôs 76%, tsar 2% njuôk li tuần uô ntêx; Yar cơưv xã Chiềng Sơn tâu zuôr luôs 78%, tsar 3% njuôk li tuần uô ntêx; Yar cơưv xã Lóng Sập tâu zuôr luôs 73%, tsar 5% njuôk li tuần uô ntêx. Têx tsêr cơưv, tsêr nhoz, tsêr mor đros trâu têx hâux lưv txơưr tưz tâu fuô lês cxix cxuô, sir jos lês tiar cêr tuôr xav, nzor muôx tsêr cơưv ntơưr trâu têx shuv xênhz thax tsav đriv têz cơưv.

Tov kaz cxênhz yuôx têx yar cơưv, đồng chí Chủ tịch UBPX tỉnh haik mênhx: Têx tsưr cxưx nhiax thiaz đơn vị cik txos zuôr tsuv tuôr xav mênhx phênhv shuôv, moz siaz gruô hu tiz nênhs, sir zôngv hur si têx mair chia lês tiar yar cơưv trơưk đraiv cêr tuôr xav. Đros ntơư, cxiz cov đơn vị lês hâux lưv cxiz nênhs uô hâux lưv uô hnuz, uô hmo, lês hâux lưv cov fiv huv, sir jos hla đhâu têx cêr phiv liv chia cov yar cơưv tiar uô ntêx hnuz 30/8. Moz siaz bax cxix cxuô zav trâu shâuv xênhz cơưv shâuv, nox nhoz; kriz cxênhz yuôx uô ntêx zuôr muôz lok sir zôngv. Đros ntơư, cxiv tsa tsưr ziv mênhx pêv trâu jias kriz uô tiar thiaz kriz shông cơưv yiaz. Têx yar cơưv bax cxix cxuô zav chia tok shuv xênhz ntơưv thax tsav đriv têz tuôx cơưv ntơưr.