Ntơưv jâus taz, Bộ trưởng Ngoại giao Lê Hoài Trung jông siaz txix têx cêr huôv tsar truôx njês njênhs njôngr chính trị zênhv hnuz zênhv jông ntơưv cêr khov uô Luôv ntêr tas nro Việt Nam - Nhật Bản. Bộ trưởng Lê Hoài Trung lok sik kruôk txos cêr siz khov zênhv hnuz zênhv tsênhz mênhx ntơưv tỉnh Okayama đhâu cxiv tsa ntơưv têx tsêr luôv tỉnh trâu Việt Nam ntu đhâu.Uô tsâus Thống đốc thiaz nov hâu tỉnh Okayama hâur cêr jav thiaz paz 13.000 tus nênhs Việt Nam taz tov nox nhoz thiaz uô nuv ntơưv tỉnh Okayama, Bộ trưởng Lê Hoài Trung taix khov tỉnh Okayama tsik tsês siz khov đros têx thax tsav ntơưv Việt Nam hâur têx faz li cxiv tsa, chuôz zênhx jông… Ndax jâus no, Bộ trưởng Lê Hoài Trung uô jông chơư Thống đốc Ibaragi txiz paz nênhs tsêr luôv tuôx txuv Cêr thav siz khov thax tsav Việt Nam - Nhật Bản jâus tiv 2, tsov xav zuôr kriz ntơưv thành phố Huế trâu 3 luz hli 7,8,9/2026.

Phó Chủ tịch UBPX tỉnh Sơn La Đặng Ngọc Hậu tưz kria txos cêr txơưv zênhx, muôx liv ntơưv tỉnh Sơn La, jông siaz cxơưz paz siz khov đros tỉnh Okayama hâur têx faz nriar nênhs txơưx nuv, công nghiệp uô tsês, kôngz lông chuôz zênhx jông, cxiv tsa thiaz nuôv zax.

Thống đốc Ibaragi Ryuta jông siaz trâu têx ndâux luk ntơưv Bộ trưởng Lê Hoài Trung thiaz haik tsênhz tok nrư tsik so siz khov nzir đros têx thax tsav ntơưv Việt Nam, yax hlo mak sir jos siz khov nhiax txiax, cxơưz paz cxiv tsa thiaz tsov xav tsa tơưv cêr yêz za cias ntơưv Okayama tuôx Việt Nam. Ndax jâus no, Thống đốc Ibaragi cux kruôk txos têx cêr paz tas siaz ntơưv uô nuv Việt Nam trâu cêr huôv vav nhiax txiax - xã hội ntơưv tỉnh, haik tsênhz tỉnh Okayama tok nrư taz nhav ntâu đuô nênhs uô nuv Việt Nam muk uô ntơưv têx tsêr luôv ntơưv tỉnh hâur ntu zuôr txos./.