Jias no muôx thơưx car Văn phòng Tỉnh ủy, thơưx car Đảng ủy phường Chiềng Cơi thiaz yax 50 đảng viên Chi bộ jok Mé Ban. 

Jok Mé Ban muôx 306 ziv nênhs, yax 1.200  toz hâu nênhs, zuôr luôs 80% zos hair nênhs Poz Ziz. Txix hâu shông txos nhiv no, Chi bộ tưz lês jông côngz xưv choz kria chính trị, siaz xav trâu cán bộ, đảng viên; moz siaz chox car, zaz zâuv, gruô hu pêx xênhv hlôngr yiaz nôngz kôngz chos, nôngz tsiax cxu zus, uô lax luôv thiaz tuôv txênhv xuôk máy uô, sir zôngv chuôz zênhx jông lok huôv tsar kôngz lông, tu zus tsiax cxu hur. 

Chi bộ tưz moz siaz chox car, gruô hu pêx xênhv lês jông jias gruô hu “Hur si pêx xênhv thôngx siaz cxiv tsa jêx jok yiaz, đrôngs vav mênhx”, cxiv kho đrôngs, têx txox cêr mê njuôz hur thiaz jông jav. Txos nhiv no, 100% ziv nênhs sâu bê cxiv tsa luz nênhx muôx txux chi; jok txuôs jông côngz mênhx muôx txux chi, jok tsik muôx zax zênhz; txuôs jông hâux lưv tsưr ziv “Luz tsêr txơưx njê", têx câu lạc bộ txux chi, haik cưr cxiax, thể dục thể thao, paz txuôs jông, huôv tsar txux chi. Lês muôx kaz hâu têx cêr chai paz nênhs txov nhêv hla đhâu cêr phiv liv, por hưv pêx xênhv luz nênhx hlôngr yiaz.

Ntơưv jias cơưv, têx đảng viên Chi bộ jok Mé Ban tưz khov phường Chiềng Cơi thiaz tỉnh tror moz siaz paz huôv tsar kôngz lông truôx njês, hlôngr yiaz nôngz kôngz chos sâu nju đros trâu tsov xav huôv tsar đrôngs lox; cxiv kho, uô yiaz njưs tâur đêx, cưx lias nhoz puôz cxuô luz jok nhav nxiak bax txâuk đêx zưs trâu kôngz lông thiaz đêx ntưk tâuk hâur luz chaix ntux nas; cxênhz yuôx, tsov xav tsưr ziv cxiv kho jok, tiểu khu fiv huv luz bê taz sik puôr lênhx txuôs jông yênhx luz jok, thax tsav muôx txux chi...

Muôx luk hâur jias cơưv, đồng chí Bí thư Tỉnh ủy tưz kruôk trâu Chi bộ jok Mé Ban têx hâux lưv uô tâu hâur ntu đhâu. Đros ntơư, cxiz cov Chi bộ tror hlôngr yiaz têx jias cơưv, yôngv siaz tsưr ziv chox car; tsik so cơưv shâuv têx ntâuz ntơưr chox car ntơưv Trung ương, ntơưv tỉnh thiaz phường, moz siaz zaz zâuv pêx xênhv fuô lês ntov nti, muôx kaz hâu têx cêr chai; tsik tsês huôv tsar đảng viên yiaz hâur thax tsav. Por hưv pêx xênhv luz nênhx tâu jông; tsưx truôx thax tsav nhoz njias to; tsik so tir tar nênhs uô luôv zênhz, kuôr zênhz; por hưv đêx ar huôz chuô nyiaz hur đros trâu cxiv kho đrôngs jông jav; txuôs jông thiaz huôv tsar jêx jok têx txux chi.

Đồng chí Bí thư Tỉnh ủy cux tsênhr cov Đảng ủy phường Chiềng Cơi tror chox car têx chi bộ tâu saiz car fuô lês muôx kaz hâu Nghị quyết Đại hội Đảng cxuô cấp ntu 2025-2030; moz siaz huôv tsar nhiax txiax-xã hội, tsưx truôx thax tsav nhoz njias to; pâuz mênhx thax tsav, tu tiar zênhx max têx kror txơưr txar pov yưv. Đros ntơư, tsuv cxênhz yuôx, tsov xav tsưr ziv cxiv kho thôn, jok, tiểu khu zos chai, txuôs jông cxuô hair nênhs txux chi; tror moz siaz paz pêx xênhv tu tiar têx ndâux luk khov zos li vax huôv tâu zok.