Đồng chí Bí thư Tỉnh ủy đros paz nov uô côngz xưv tưz muk shuôk zơưs Phan Văn Phụng, 95 shông, thương binh 65% nhoz tổ 14, phường Tô Hiệu, muk uô cách mạng txix shông 1945, tir tsor tros ntơưv Yar tros Nam Bộ, tâu puz Huân chương ntâuk Zênhz nduôz Mỹ hov iz, Côngz mênhx 75 shông Đảng; shuôk pos Vương Thị Ngọc Yến, 94 shông nhoz tổ 3, phường Tô Hiệu, pox niav thơưx cán bộ tir tros Trần Bình, niav liệt sĩ Trần Mạnh Hợp, ntu ntâuk Zênhz nduôz Mỹ chơưv têz qơưk.

Đồng chí Bí Thư Tỉnh ủy thiaz Paz nov uô côngz xưv tưz shuôk, krưr huv puz zơưs Nguyễn Văn Tân, cán bộ thơưx ntu tir tsor tros, nhiv no nhoz tổ 1, phường Tô Hiệu, uô cách mạng txix shông 1945, tưz tâu puz Huân chương Kháng chiến hov Pêz đros ntâu ntơưr kruôk muôx txiax njis Đảng, Têz qơưk thiaz côngz mênhx 78 shông Đảng; shuôk bệnh binh Lù Văn Nọi, trâus moz 64% nhoz jok Phiêng Panh, phường Chiềng An, thâuv ntêx tir tror tros, lês hâux lưv paz têz qơưk Lok Tsuôk.

Ntơưv têx ziv nênhs muk shuôk jias no, đồng chí Bí thư Tỉnh ủy tưz uô jông nus cêr nox nhoz, zos txiax njis sơưr đơưk ndo njôngr têx thương binh, bệnh binh, nênhs muôx côngz thiaz liệt sĩ tưz pôngz đas jos, trox nya trâu têz qơưk. Têx fâuv lâuk tưz cxiv tsa cêr thax zênhz trâu têz qơưk huôv tsar niax hnuz nhiv no. Đảng bộ, nov hâu thiaz tsôngv pêx xênhv cxuô hair nênhs tỉnh thâuv tưs cux ndo njôngr, zos phênhv shuôv lês têx hâux lưv tsênhv chênhz. Đồng chí chia siaz têx ziv nênhs no zuôr tror nthuôr huôv cênhz cưv por hưv têz qơưk, choz kria xênhz lênhx xênhz nzưr, bôngs têx txiax njis jông, trâu siaz siz tưr nhiav têz nhiav qơư, cxiv tsa têz qơưk zênhv hnuz zênhv huôv tsar.

Đồng chí Bí thư Tỉnh ủy cux cxiz cấp ủy, nov hâu cov tror lês cxix cxuô têx cêr chai paz têx nênhs muôx côngz trâu têz qơưk; paz tsik so têx ziv nênhs têz qơưk muôx chai paz trơưk đraiv Đảng thiaz têz qơưk têx cêr chai. Lês ntov hâux lưv "Ndo txiax njis yar ntux", choz kria cênhz cưv nhiav têz nhiav qơư, cênhz cưv "Hâuk đêx ndo njôngr hâur đêx cxơưr", gruô hu tas nro mênhx nov mênhx tsư thiaz sơưr đơưk siz chos côngv tu têx nênhs muôx côngz, cov têx hâux lưv ndo txiax njis tsik zos tsuôk lês trâu thâuv ndax saiz hloz xưz mak yênhx têx hâux lưv tâu lês tsik so.