Ntơưv têx qơư tso phiếu phường Tô Hiệu tưz đai qix liaz vos chia saiz hloz hnuz  bầu cử đại biểu Quốc hội khóa 16 thiaz đại biểu HĐPX têx cấp ntu 2026 - 2031. Têx qơư fuô kria ntơưv cơ sở tsik tsês fuô kria lok sâuv vax huôv, phênhv shuôv ntơưv cử tri. Têx nênhs muôx vax huôv tưz fuô lês têx tsưr ziv por hưv thax tsav nox nhoz njias to ntơưv thax qơư bầu cử.

Cias thâuv sơưr nzor, ntâu cử tri tưz muôx njêx muôs trâu ntơưv tsêr txux chi chia tok txos thâuv iz kriz chia pêx xênhv lês zuk vax huôv; đros ntơư côngv têx hâux lưv nthuôr txux chi, sênhr chêr saiz hloz...paz muôx cêr lov jêv ntưk. Cêr njênhs thiaz cêr chia siaz puôr lênhx pov mênhx trâu ntơưv cxuô lênhx cử tri njêx muôs thâuv tuôx trâu têx qơư tso phiếu.

Ntơưv thax tsav tso phiếu số 17, phường Tô Hiệu, đồng chí Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx paz đại biểu Quốc hội tỉnh côngv thiaz tso phiếu bầu cử đại biểu Quốc hội khóa 16 thiaz đại biểu HĐPX cxuô cấp đros trâu 1.065 cử tri tổ 4 thiaz tổ 7.

Muôx njêx muôs ntơưv tsêr txux chi tổ 7, pov tâu cxuô lênhx pêx xênhv puôr lênhx shir phaz lus. Uô ntêx jias piz kriz, cxuô lênhx cử tri tưz côngv tuôr têk sênhr chêr thôngx siaz, iz zav cêr uô si ntơưv hair nênhs Poz ziz thâuv txos têx cêr grâuv pax zov chênhr hâur têz qơưk.

Thax qơư tso phiếu tâu kriz ntơưv Tsêr txux chi tổ 7; qix têz qơưk thiaz luôs hâux lưv lês nuv ntơưv têx ứng cử viên tưz tâu lo trâu sơưr đơưk pov njôngr. Thôngz trâu phiếu cux tâu uô tiz jông cxênhz yuôx, tso trâu qơư zôngx ziv trâu cử tri tuôx tso phiếu.

Thâuv 7 six, Jias hơưv qix tưz tâu kriz. Cử tri tâu mnôngs kria pâuz têx cêr chai tso phiếu chia cov lês tâu hâux lưv trơưk đraiv cêr chai. Trơưk cêr chai, cử tri kria pâuz têx thẻ cử tri, nhav phiếu bầu đại biểu Quốc hội thiaz đại biểu HĐPX cxuô cấp, muk trâu hâur thax qơư tso phiếu, tov kaz ntơư tưx tso phiếu. Cxuô zav hâux lưv puôr lênhx lês ttrâu sơưr đơưk pov njôngr, nhaz xênhz thiaz trơưk đraiv cêr chai.

Đros trâu têx cử tri, đồng chí Hoàng Văn Nghiệm, Uỷ viên Ban Chấp hành Trung ương Đảng, Bí thư Tỉnh uỷ, Thơưx paz đại biểu Quốc hội tỉnh tưz lês vax huôv thiaz phênhv shuôv.

Pos Ngần Thị Canh, 93 shông, 75 shông nhoz Đảng, cử tri tổ 7, phường Tô Hiệu, shir phaz haik pâuz: Ntơư zos jias tiv 14 cur tuôx bầu cử. Ndo thơưx jâus tuôx bầu cử, luz nênhx tsênhv niz ntâu cêr txov nhêv, thax tsav tso phiếu tsênhv zôngx ziv xưz. Nhiv no, têz qơưk muôx ntâu zav hlôngr yiaz. Txơưv tưz lâuk, taz sik cur cux xar tuôx cias trâu ntơưv têx qơư bầu cử chia tso zuk đaiv phiếu. Muk bầu cử tâu xair têx nênhs zuk njênhs, têx nênhs pênhr xưv chia hlôngr pêx xênhv vax huôv, viv li cur lok six jông siaz.

Hâur jias bầu cử no, phường Tô Hiệu muôx 8 đơn vị bầu cử, 27 thax tsav bỏ phiếu đros trâu yax 30.000 cử tri côngv tso phiếu, xair 3 đại biểu Quốc hội, 5 đại biểu HĐPX tỉnh thiaz 24 đại biểu HĐPX phường. 100% thax qơư tso phiếu tâu kriz ntơưv têx tsêr txux chi jok, tổ dân phố chia zôngx ziv trâu cử tri zôngx ziv muk lok.

Tov kaz lês vax huôv, đồng chí Bí thư Tỉnh ủy tưz chox car côngz xưv bầu cử ntơưv têx đơn vị bầu cử ntơưv têx phường trung tâm: Tô Hiệu, Chiềng Cơi, Chiềng An và Chiềng Sinh.

Ntơưv têx qơư muk cxênhz yuôx, đồng chí tưz kruôk txos kror lês hâux lưv muôx phênhv shuôv ntơưv cán bộ lês côngz xưv bầu cử thiaz cêr thôngx siaz ntơưv cử tri. Đồng chí haik mênhx cxiz cov têx tổ bầu cử zuôr tsuv lês hâux lưv trâu sơưr đơưk pov njôngr, trơưk đraiv cêr chai, đros ntơư paz zôngx ziv chia cxuô lênhx cử tri puôr lênhx tâu lês zuk vax huôv, cxơưz paz trâu yênhx côngz hâur jias bầu cử hâur hur si tỉnh.