Hlôngr njêx muôs nov chox car tỉnh Sơn La, đồng chí Chủ tịch UBPX tỉnh tưz shir phaz lus tok Đại sứ Nhật Bản ntơưv Việt Nam, đros pox niav tưz tuôx shuôk thiaz uô hâux lưv ntơưv Sơn La. Đồng chí tưz piar kria tỉnh têx hâux lưv đros Nhật Bản siz khov uô nox. Tsik tas li, cux haik mênhx têx zav muôx txơưv ntơưv tỉnh, li: Huôv tsar kôngz lông, sir zôngv têx chuôz zênhx jông paz max, tu hur trơưk hữu cơ, truôx njês, chia cov muôs tâu trâu têx têz qơưk xair luôv, hâur ntơư muôx Nhật Bản. Lok sâuv nuôv zax muôx ntâu zav ntux trâus têz xênhz txơưv jông thiaz ntâu tsar txux chi, huôz chuô lax, tox trôngz hâur pêk jông; muôx 12 hair nênhs, ntâu tsar txux chi; txux chi sênhr chêr Puôz Ziz tưz tâu UNESCO côngk nhav zos txux chi jông cxuô hair nênhs; muôx 5 zav txux chi têz qơưk thiaz 65 zav txux chi tưz tâu xair.

Công nghiệp thiaz lax luôv mak muôx ntâu thax qơư công nghiệp, tsêr máy, điện đêx. Lok sâuv nênhs uô hâux lưv, mak nênhs hluôk chôngz. Thôngz tỉnh muôx 768 cxênhz lênhx taz tov txâuk đas jos uô hâux lưv, txênhz 58% pêx xênhv. Têx nênhs uô hâux lưv txơưx lês hâux jux juk, têx nênhs uô hâux lưv tâu cơưv txênhz 65%, txâuk chai uô hâux lưv ntơưv têx tsêr luôv.

Đồng chí Chủ tịch UBPX tỉnh saz lax trâu Đại sứ Nhật Bản ntơưv Việt Nam cov tror paz tỉnh Sơn La khov têx tsêr luôv Nhật Bản njuôk tsov cxưx nhiax tuôx huôv tsar kôngz lông zôngv têx chuôz zênhx jông paz max tu têx kôngz, huôv tsar nuôv zax, uô điện; kria hâux lưv thiaz huôv tsar cêr lax luôv; paz uô têx dự án ODA, lar haik mak dự án huôv tsar jêx jok phax tar ntux hiav thiaz têx dự án tu đêx kiak nênhs hâur thax tsav tỉnh.

Zơưs Ito Naoki, Đại sứ Nhật Bản ntơưv Việt Nam tưz kruôk nxiak têx zav muôx txơưv ntơưv tỉnh Sơn La, lar haik mak kôngz lông, nuôv zax thiaz huôv tsar nênhs uô hâux lưv; haik mênhx zuôr tror chox Sơn La têx cêr khov muk piar kria trâu têx tsêr luôv thiaz têx paz pơưs ntơưv Nhật Bản hâur ntu zuôr txos.

Hâur jias lês hâux lưv, Paz nov uô côngz xưv Đại sứ Nhật Bản ntơưv Việt Nam đros pox niav zuôr muk shuôk Công ty TNHH Nôngz kôngz Takii Việt Nam, Tsêr máy yuôx zêx  Satoen Việt Nam, dự án JICA ntơưv jok Áng; ndis iz cxia qơư nuôv zax, nthuôr txux chi thiaz têx hax huv kôngz lông jông ntơưv lax trôngz Mộc Châu.