Muôx luk kriz Đại hội, đồng chí Nguyễn Trường Chinh, Giám đốc Báo thiaz Xor tôngx chuô, xa đuôz Sơn La, Chủ tịch Hội Nhà báo tỉnh, haik tiak: Ntu 2020 - 2025, txix li kror moz siaz chox car ntơưv Tỉnh ủy, HĐPX, UBPX, Ủy ban MTTQ Việt Nam tỉnh thiaz Hội Nhà báo Việt Nam, Hội Nhà báo tỉnh tưz nthuôr huôv tâu jông cênhz cưv thôngx siaz, moz siaz hlôngr yiaz njiaz luk lês hâux lưv thiaz fuô lês ntov nti têx chỉ thị, nghị quyết ntơưv Đảng lok sâuv côngz xưv báo chí, yax hlo zos Chỉ thị số 43-CT/TW hnuz xiaz 8/4/2020 ntơưv Ban Bí thư Trung ương Đảng lok sâuv “Sir jos lês jông hâux lưv ntơưv Đảng hâur côngz xưv Hội Nhà báo Việt Nam ntu nênhx yiaz”. Têx cơ quan báo chí thiaz têx nênhs fuô mông Sơn La tưz moz siaz hlôngr pâur số chia cov sâu tâu têx mông jông đuô; lês jông qơư sơưr, zos têx nênhs fuô kria Đảng, Têz qơưk têx cêr chai txos trâu pêx xênhv. Hâur ntu 2026 - 2031 zos ntu fuô lês jông hâux lưv hlôngr pâur số cxix cxuô. Báo chí Sơn La zuôr tsuv tsưx jông qơư sơưr riz nus xã hội, chia paz trâu pêx xênhv muôx cêr njênhs. Sir jos cxiv tsa qơư fuô mông Sơn La “lês tâu hâux lưv jông”, hâur ntơư, moz siaz cxiv tsa tsưr ziv hlôngr pâur số, cxiv tsa siaz xav chính trị, chưx pưv lês hâux lưv thiaz kror moz siaz sir jos lês nuv ntơưv têx nênhs sâu xor mông.

Hội Nhà báo tỉnh Sơn La nhiv no muôx 158 hội viên, taz tov nhoz hâur têx chi hội: Văn phòng Hội Nhà báo; Báo thiaz Xor tôngx chuô, xa đuôz Sơn La; Hội Liên hiệp VHNT tỉnh. 5 shông đhâu, Hội tror nthuôr huôv jông qơư sơưr hâur cxiv tsa têx nênhs uô hâux lưv muôx pênhr xưv chính trị truôx khor, chưx pưv lês hâux lưv tâu jông thiaz pênhr xưv chuyên môn zênhv hnuz zênhv siaz; sir jos lês jông côngz xưv choz kria chính trị, siaz xav; siz khov kriz têx jias kria nzir tsưr ziv, cơưv chuyên đề, siz chos cơưv shâuv tsưr ziv sâu xor mông, thaix đuôz, cxaz nzir pênhr xưv lês nuv, fiv huv lês hâux lưv hâur ntu nênhx hlôngr pâur số.

Yênhx shông, Hội tưz moz siaz saz lax trâu Tỉnh ủy kriz njiz njêx muôs ndax jias saiz hloz Hnuz Báo chí Cách mạng Việt Nam 21/6 đros trâu hâux lưv kriz jias puz Giải Báo chí Suối Reo; zaz zâuv hội viên moz siaz côngv têx jias tưr sâu xor mông jông, jias tưr zos Trung ương, tỉnh thiaz Hội Nhà báo Việt Nam kriz. Txix shông 2020 txos shông 2026, hội viên Hội Nhà báo tỉnh tưz tưr ntâu giải siaz hâur têx jias tưr sâu xor mông hur si Têz qơưk, đros ntâu giải báo chí chuyên đề hâur saz cxiv tsa Đảng, choz kria ntơưr, vax huôv siz txis, saz kôngz lông, tuz kôngz, jêx jok...

Hâur ntu 2026-2031, đros trâu njiaz luk “Thôngx siaz - Hlôngr yiaz - Lês ntov chai - Lês hâux lưv muôx phênhv shuôv; cxiv tsa báo chí Sơn La huôv tsar, paz lês tiar cêr tuôr xav huôv tsar cxix cxuô ntơưv tỉnh”, Hội Nhà báo tỉnh zuôr tror nthuôr huôv jông qơư sơưr gruô hu cêr thôngx siaz ntơưv têx nênhs sâu xor mông; sir jos 100% cán bộ, hội viên tâu fuô kria cxix cxuô Đảng, têz qơưk têx cêr chai; yênhx shông kriz txix 1 - 2 jias kria nzir tsưr ziv; tror lês cov tâu jông đuô jias tưr Báo chí Suối Reo; sir jos yênhx shông muôx txix 2 - 3 jax sâu tâu giải cấp Trung ương. Sir jos cxiv tsa têx nênhs lês hâux lưv sâu xor mông lês tâu nuv jông, đros đraiv hâux lưv huôv tsar ntơưv tỉnh hâur ntu hlôngr pâur số.

Hâur Đại hội, têx đại biểu tưz kria pâuz têx ndâux luk côngv, kria pâuz têx tsưr ziv sâu xor mông cov jông chia tưr têx jias tưr hâur têz qơưk; têx nênhs sâu xor mông ntơưv thax tsav lês hâux lưv fiv huv hâur ntu lês nov hâu thax tsav 2 cấp; hlôngr yiaz tsưr ziv sâu xor mông hâur ntu  hlôngr pâur số…

Muôx luk chox car Đại hội, đồng chí Cuôv Xênhv Tsaz, Phó Bí thư Tỉnh ủy tưz kruôk txos kror moz siaz sir jos, têx zav uôk Hội Nhà báo tỉnh, têx cơ quan báo chí đros têx nênhs sâu xor mông lês tâu hâur ntu đhâu; yax hlo zos nthuôr huôv tâu jông qơư sơưr zos têx nênhs zov chênhr fuô mông trâu Đảng bộ, nov hâu, thiaz pêx xênhv cxuô hair nênhs Sơn La; fuô kria zênhx max têx hâux lưv jông; fuô kria têx zav muôx hâur thax tsav tỉnh Sơn La chia paz max muôz nhiax lês hâux lưv huôv tsar. Hla đhâu ntu yiaz, đồng chí cxiz cov têx cơ quan báo chí thiaz têx nênhs lês hâux lưv sâu xor mông hâur tỉnh zuôr tsuv tror tsưx truôx siaz xav chính trị, “truôx siaz – siaz jông – lês hâux lưv coz”, lês trơưk đraiv Đảng txox chai, paz max chia huôv tsar têz qơưk; moz siaz hlôngr pâur số, huôv tsar báo chí lês tâu ntâu zav hâux lưv. Hội Nhà báo tỉnh zuôr tsuv hlôngr yiaz njiaz luk, tsưr ziv lês hâux lưv, cxiv tsa tổ chức Hội zênhv hnuz zênhv truôx khor, cxơưz paz cxiv tsa báo chí Sơn La zênhv hnuz zênhv lês tâu hâux lưv jông.

Đại hội tưz kria pâuz hâux lưv xair Ban Chấp hành Hội Nhà báo tỉnh khoá 8, ntu 2026-2031 muôx 9 đồng chí. Đồng chí Nguyễn Trường Chinh tror tâu xair uô Chủ tịch ​Hội Nhà báo tỉnh Sơn La ntu 2026 – 2031.

Đại hội tưz xair paz đại biểu muk côngv Đại hội đại biểu Hội Nhà báo Việt Nam jias tiv 12, ntu 2026-2031 muôx 3 đồng chí.

Ndax jias no, Chủ tịch UBPX tỉnh tưz muôz ntơưr kruôk trâu 6 tus khênhx; Ủy ban MTTQ Việt Nam tỉnh puz ntơưr kruôk trâu 3 tus khênhx lês tâu hâux lưv jông hâur côngz xưv hội ntu 2020-2025.

Uô ntêx ntơư Hội Nhà báo tỉnh tưz muk hlơưr saz ntơưv Qơư ndo txiax njis zơưv Côngz Hôx yar tiax lox Tây Bắc thiaz Qơư ndo txiax njis têx Anh hùng liệt sĩ Tsêr tux Sơn La ndax jias saiz hloz 79 shông Hnuz Thương binh - Liệt sĩ (27/7/1947- 27/7/2026).