Đại hội muôx têx đồng chí: GS.VS.TSKH Đặng Vũ Minh, Chủ tịch Liên hiệp cxuô Hội Khoa học thiaz Kỹ thuật Việt Nam; Cuôv Xênhv Tsaz, Phó Bí thư Tỉnh uỷ, Chủ tịch Uỷ ban MTTQ Việt Nam tỉnh; Nguyễn Mạnh Hùng, Ủy viên Ban Thường vụ Tỉnh ủy, Phó Chủ tịch Thường trực Ủy ban MTTQ Việt Nam tỉnh; Nguyễn Minh Tiến, Phó Chủ tịch UBPX tỉnh; Nguyễn Quyết Chiến, Tổng Thư ký Liên hiệp cxuô Hội Khoa học thiaz Kỹ thuật Việt Nam; nov chox car cxuô sở, ban, ngành ntơưv tỉnh; têx đồng chí kuz nov chox car tỉnh, kuz nov chox car Liên hiệp Hội cxuô ntu; nov chox car têx hội thành viên; hlôngr njêx muôs Liên hiệp cxuô Hội Khoa học thiaz Kỹ thuật têx tỉnh Lào Cai, Phú Thọ, Lai Châu, Điện Biên, 150 tus đại biểu hlôngr njêx muôs 350 cxênhz tus hội viên ntơưv 15 hội thành viên thôngz tỉnh.

Liên hiệp têx Hội Khoa học thiaz Kỹ thuật tỉnh zos tổ chức thành viên ntơưv Ủy ban MTTQ Việt Nam tỉnh, nhiv no muôx 15 hội thành viên, zuôr luôs 350 cxênhz tus hội viên. Hâur ntơư muôx yax 25 cxênhz tus hluôk lês ntâu luz luôs hâux lưv: Khoa học tự nhiên, khoa học xã hội, choz kria, njuôk kho moz, uô kôngz lông, cxiv puôz, cêr yêz, cêr chai, tsêr luôv, nuôv zax…

Ntu đhâu, Liên hiệp Hội tưz nthuôr huôv tas phênhv shuôv têx nênhs lês hâux lưv Đảng, nov hâu fuô kria trâu pêx xênhv; trâu siaz lês hâux lưv xã hội; cxiv tsa têx cêr chai têz qơưk; côngv têx  hội đồng kria chai. 5 shông đhâu, Liên hiệp Hội tưz chox car siz chos yaz 90 njiaz luk cik txos hâux lưv huôv tsar nhiax txiax - xã hội ntơưv tỉnh; lês 18 jias saz lax khoa học, yênhx châuv trôngx ndâux luk saz lax chuyên đề; lês yênhx puô lưv saz lax trâu dự thảo têx ntơưr trơưk chai, nghị quyết, đề án, hâux lưv huôv tsar ntơưv tỉnh; côngv trâu têx hội đồng khoa học ntơưv tỉnh. Têx chuyên gia, nênhs njuôk tsov khoa học tưz côngv yax 100 jax njuôk tsov saz lax fuô mênhx têx hax huv Liên hiệp Hội. Hâur ntu tưz lês yênhx côngz 2 jias tưr nthuôr phaz nzưr kỹ thuật tỉnh, muôx 67 zav, kruôk 37 zav; tso yar tưr nthuôr phaz nzưr 3 jâus trâu têx hluôk, mê nhuôv zâuk cấp tỉnh, muôx 350 zav huv tưr, kruôk 88 zav huv cấp tỉnh, 44 zav tưz tâu xair chox muk tưr thôngz têz qơưk; tso yar 3 jias njiz, kruôk 155 lưv tus nênhs txơưx nthuôr phaz nzưr.

Trơưk tuôr xav "Thôngz siaz - Hlôngr yiaz - Nthuôr phaz nzưr - Huôv tsar", ntu 2026 - 2031, Liên hiệp cxuô Hội Khoa học thiaz Kỹ thuật tỉnh xav mênhx 10 chỉ tiêu thiaz 5 njâur phênhv shuôv tsênhg chênhz; tror hlôngr yiaz njiaz luk lês hâux lưv, nthuôr huôv phênhv shuôv uô ntêx nyuôk gruô hu têx nênhs txơưx njê; uô jông kria; fuô têx chai yiaz; saz lax, fuô lês hâux lưv tâu Đảng thiaz Têz qơưk zok, huôv tsar khoa học thiaz công nghệ, hlôngr phaz nzưr yiaz. Sir jos lês cov tâu txix 5 - 6 luz luôs hâux lưv kria chai/shông; lês yênhx côngz 3 jias tưr phaz nzưr kỹ thuật, 2 jias tưr phaz nzưr hluôs thiaz mê nhuôv zâuk cấp tỉnh; cxuô hội thành viên chox car lês tâu txix 1 - 2 đề tài, dự án khoa học công nghệ cấp tỉnh/bộ, ngành....  

Ntơưv đại hội, têx đại biểu tưz siz chos saz lax têx hâux lưv hlôngr yiaz ntơưv Liên hiệp Hội hâur ntu yiaz, lês jông hâux lưv kria, njuôk tsov chai; đros têx nênhs txơưx njê, njuôk tsov khoa học thiaz têx tsêr luôv siz chos hlôngr số, hlôngr yiaz phaz nzưr thiaz huôv tsar nhiax txiax tus khênhx; Sir zôngv khoa học kỹ thuật paz max cêr lax luôv; siz chos đơưk têx cêr phiv liv huôv tsar nuôv zax thiaz ntâu zav hâux lưv txơưr...

Muôx lul chox car đại hội, đồng chí Cuôv Xênhv Tsaz tưz kruôk têx hâux lưv uôk Liên hiệp cxuô Hội Khoa học thiaz Kỹ thuật tỉnh lês tâu hâur ntu đhâu. đồng chí cux cxiz cov hâur ntu yiaz, Liên hiệp cxuô Hội Khoa học thiaz Kỹ thuật tỉnh tror hlôngr yiaz; cxiv tsa tổ chức Hội cov tsiv nhos zos kror qơư trâu têx nênhs txơưx njê nthuôr phaz nzưr njuôk tsov khoa học thiaz công nghệ; tror uô jông lês hâux lưv kria, njuôk tsov chai thiaz saz lax huôv tsar; nthuôr huôv phênhv shuôv uô ntêx nyuôk hâur cấp ủy, nov hâu thiaz MTTQ Việt Nam tỉnh; njuôk tsov, saz lax têx hâux lưv fiv huv; gruô hu têx chuyên gia, nênhs njuôk tsov khoa học đros cxiv tsa cêr chai trâu tỉnh, cxiv tsa Liên hiệp Hội truôx njês, txơưx lês hâux lưv, côngv đas jos trâu cêr huôv tsar ntơưv tỉnh.

Ntơưv đại hội, đồng chí Nguyễn Quyết Chiến, Tổng Thư ký Liên hiệp cxuô Hội Khoa học thiaz Kỹ thuật Việt Nam, haik mênhx: Liên hiệp cxuô Hội Khoa học thiaz Kỹ thuật tỉnh Sơn La tưz muôx ntâu hlôngr yiaz paz max hâux lưv hâur têx shông đhâu. Cxiz Liên hiệp Hội ntơưv tỉnh tror nthuôr huôv cêr thôngx siaz, gruô hu têx nênhs txơưx njê, nênhs njuôk tsov khoa học, paz cxuô hội thành viên lês hâux lưv jông đuô; siz chos lês jông cxuô zav hâux lưv, paz têx nênhs txơưx njuôk tsov khoa học, hội viên nthuôr huôv tas phênhv shuôv lês cov tâu ntâu zav hâux lưv trâu tỉnh, hlôngr phaz nzưr, hlôngr số, huôv tsar nhiax txiax - xã hội. Liên hiệp cxuô Hội Khoa học thiaz Kỹ thuật Việt Nam cux zuôr tror paz Liên hiệp Hội tỉnh lês hâux lưv hâur ntu cxiv tsa thiaz huôv tsar tổ chức hội cov truôx njês.

Đại hội tưz haik mênhx têx hâux lưv hâur thơưx lưv, tsa tâu Ban Chấp hành Liên hiệp cxuô Hội Khoa học thiaz Kỹ thuật tỉnh khóa 4, ntu 2026-2031, muôx 26 tus đồng chí; tsa Ban Thường vụ Liên hiệp Hội muôx 4 tus đồng chí. Đồng chí Phạm Thị Hà tror tâu tsa uô Chủ tịch Liên hiệp cxuô Hội Khoa học thiaz Kỹ thuật tỉnh khóa 4. Đại hội tưz xair tâu Paz đại biểu muk Đại hội đại biểu thôngz têz qơưk Liên hiệp cxuô Hội Khoa học thiaz Kỹ thuật Việt Nam jias tiv 9, ntu 2026-2031 muôx 4 đại biểu.  

Ndax no, UBPX tỉnh tưz puz ntơưr kruôk trâu 1 paz nênhs, 6 tus khênhx; Ủy ban MTTQ Việt Nam tỉnh puz ntơưr kruôk trâu 1 paz nênhs, 1 tus khênhx; Liên hiệp cxuô Hội Khoa học thiaz Kỹ thuật tỉnh puz ntơưr kruôk trâu 3 tus khênhx lês jông côngz xưv hội ntu đhâu.