Đoàn Khối têx cơ quan Đảng tỉnh nhiv no muôx 6 tổ chức cơ sở đoàn đros 4.901 tus đoàn viên thanh niên. Ntu đhâu, Đoàn Khối tưz côngv cxênhz hur si tổ chức, truôx njês nuv uô; fuô lês muôx liv côngz xưv choz kria chính trị, siaz xav thiaz têx cêr siz tưr uô têz qơư ntơưv hluôs nênhs. Têx cơ sở đoàn tưz kriz jê 50 đas nuv trơưk “Hnuz thứ sha tưx jông siaz”, “Hnuz chủ nhật njuôz”, chơư tâu yênhx cxênhz lưv tus đoàn viên lês; chos yax 1.000 tus ntông njuôz; trâu siaz paz pêx xênhv kho đơưk têx zav ntux hiav. Lês trơưk “Têx hnuz tso nhiax txuôs tsês - Côngv têk viv nênhs pluôs” shông 2026, Đoàn viên thanh niên hâur Khối tưz đros kriz sổ txuôs nhiax xav hur si tâu yax 70 triệu đaiv.

Cias luz Hli hluôs nênhs shông 2026, têx cơ sở đoàn tưz fuô lês yax 20 đas nuv tưx jông siaz uô, uô nênhx yar ntux xã hội; lês yax 10 công trình, phênhv nuv hluôs nênhs; muk shuôk, puz huv ziv nênhs tâu chai paz, tuz cơưv vax tsê txov nhêv thiaz cxiax cxênhv “Pluôk nox tais cik hmor yuô”, xav nhiax jê 300 triệu đaiv.

Đros cêr xav “Uô ntêx nyuôs - Thôngx siaz - Hlôngr yiaz- Txơưx fiv- Huôv tsar”, ntu 2025-2030, Đoàn Khối xav zuôr tsik tsês huôv nzir qơư sơưr uô ntêx lông, txơưx xav ntơưv hluôs nênhs hâur cêr lês nuv tâu cơưv, hlôngr số, cxiv tsa txux chi qơư uô nuv  thiaz  tổ chức đoàn truôx njês.

Đại hội tưz fuô đhâu cêr xav, lês hâux lưv ntu 2025-2030 đros 10 côngs chỉ tiêu thiaz 3 hâux lưv uô tâu jông yax. Sir jos hâur ntu lês muôx yax 3.000 lưv đoàn viên tưx zênhv lês têx nuv; 100% cơ sở đoàn muôx công trình, Phênhv nuv hluôs nênhs yênhx shông; 100% tổ chức cơ sở đoàn uô tiar jông nuv tror sâuv; 95% đoàn viên uô tiar jông hâux lưv yênhx shông.

Fuô luk chox car Đại hội, thơưx car Đảng ủy têx cơ quan Đảng tỉnh khov Đoàn Khối tror hlôngr yiaz njiaz luk, cêr lês nuv; huôv nzir qơư sơưr uô ntêx lông ntơưv đoàn viên, thanh niên hâur lês hâux lưv chính trị, hlôngr số thiaz cxiv tsa tổ chức đoàn zênhv hnuz zênhv truôx khor.

Ntơưv Đại hội, Ban Thường vụ Tỉnh đoàn tưz fuô têx quyết định tơư nênhs uô Ban Chấp hành, Ban Thường vụ, Bí thư, têx Phó Bí thư thiaz Ủy ban Cxênhz yuôx Đoàn TNCS Hồ Chí Minh Khối têx cơ quan Đảng tỉnh ntu 2025-2030.

Uô ntêx ntơư, Đoàn Khối têx cơ quan Đảng tỉnh tưz hlơưr shaz ndo txiax njis ntơưv Thax hlơưr shaz ndo txiax njis zơưv Hloz Hôx thiaz Vax nza Tuz lênhv tas siv nênhx Tsêr tux Sơn La, uô tsâus txos Chủ tịch Hồ Chí Minh thiaz têx anh hùng liệt sĩ tưz tas siv nênhx viv cêr tiax tuk, zưx fênhx ntơưv Têz qơưk.