Jias no muôx têx đồng chí: Nguyễn Đình Việt, Phó Bí thư Tỉnh ủy, Chủ tịch UBPX tỉnh; Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; Vi Đức Thọ, Ủy viên Ban Thường vụ Tỉnh ủy, Phó Chủ tịch Thường trực HĐPX tỉnh; têx đồng chí Ủy viên Ban Thường vụ Tỉnh ủy; Thường trực HĐPX, UBPX tỉnh; thơưx car iz cxia sở, ngành, xã Yên Sơn đros hur si shuv xênhz, niav txir thiaz pêx xênhv hâur thax tsav xã Yên Sơn.

Dự án Yar cơưv Phổ thông nội trú Tiểu học thiaz THCS xã Yên Sơn tâu piz uô txix hnuz xiaz 4/12/2025 trơưk Kria pâuz Câuk luk số 81-TB/TW hnuz 18/07/2025 ntơưv Bộ Chính trị lok sâuv cêr chai cxưx nhiax cxiv puôz yar cơưv trâu têx xã đriv têz. Tov kaz zuôr luôs 9 hli cxiv puôz tsik tsês, tâu kror moz siaz, chox car ntov nti ntơưv tỉnh, kror sir jos ntơưv cxuô sở, ngành, nov hâu thax tsav, tsưr muôz nhiax uô thiaz nênhs tâu ntiar cxiv puôz, yar cơưv tưz tâu uô tiar thiaz zos iz hâur 2 dự án uô tiar nzor đuô cêr tuôr xav hâur 13 dự án yar cơưv nội trú liên cấp đriv têz ntơưv tỉnh.

Dự án sir zôngv 263,8 tỷ nhiax, đar 5 ha đros 30 lớp, muôx têx qar tsêr cơưv, bộ môn, qơư nhoz trâu shuv xênhz, tsêr mor, pak đax đêx, tiax thể thao thiaz ntâu hâux lưv txơưr, paz trâu yax 1.000 shuv xênhz txox cêr cơưv. Shông cơưv 2026-2027, Yar cơưv phổ thông nội trú Tiểu học thiaz THCS Lóng Phiêng muôx 1.050 shuv xênhz, hâur ntơư, cấp tiểu học muôx 12 lớp, 420 shuv xênhz; cấp THCS 18 lớp, 630 shuv xênhz; 1.036 shuv xênhz nox nhoz cơưv ntơưr hâur yar cơưv; 66 cán bộ saiz car, cưk kria, nhân viên.

Fuô luk jias no, đồng chí Nguyễn Đình Việt tưz kruôk trâu kror siz chos lês ntov nti ntơưv têx sở, ngành, nov hâu thax tsav đros kror côngv uô ntơưv tsêr luôv tưz moz siaz gruô hu ntâu nhiax pênhr, txơưx njê, nzor uô tiar yar cơưv. Yax cơưv phổ thông nội trú Tiểu học thiaz THCS Yên Sơn zos chênhv chưr trâu kror moz siaz ntơưv Đảng, Têz qơưk trâu xưv cxênhx choz kria ntơưr, lar haik ntơưv thax tsav pêx xênhv hair nênhs tsơưs tox siaz, đriv têz tsênhv njiz ntâu cêr txov nhêv. Yar cơưv zuôr paz têx shuv xênhz muôx qơư cơưv ntơưr jông đuô thiaz sir jos por hưv pêx xênhv thax tsav đriv têz luz nênhx hlôngr yiaz.

Đồng chí cxiz cov nov hâu thax tsav thiaz yar cơưv kriz jias siv sir zôngv tas nro tov kaz jias txiar ntâuz, moz siaz kria shuv xênhz nox nhoz trâu qơư yiaz; shuv xênhz pluôk mor, qơư pư, por hưv muôx đas jos thiaz cêr uô nênhx. Tror đros tsưr cxưx nhiax uô, nênhs tâu ntiar cxiv puôz uô tiar têx hâux lưv tsênhv tsik uô tâu, nhav nxias muôz zok sir zôngv siz luôs jok, zos đraiv tsưr ziv; đros tsôngv Tuz lênhv Đriv têz siz chos choz kria shuv xênhz uô nênhx tsiv txiax, nhiav têz nhiav qơư, cxiv tsa yar cơưv muôx txux chi thiaz lês jông hâux lưv choz kria ntơưr ntơưv xã đriv têz, kror qơư yênhx cưk kria zos iz tus nênhs txơưx kria ntơưr, yênhx shuv xênhz yênhx tus nênhs txơưx cxiv tsa thax tsav hlôngr yiaz.  

Ntơưv Jias txiar ntâuz, Yar cơưv phổ thông nội trú Tiểu học thiaz THCS Yên Sơn thiaz Zênhx Đriv têz  Chiềng On tưz sâu bê siz chos lês hâux lưv hâur shông cơưv 2026-2027. Ndax jâus no, UBPX tỉnh tưz puz Ntơưr kruôk trâu 4 paz pơưs, 6 tus khênhx lês jông hâux lưv, UBPX xã Yên Sơn puz Ntơưr kruôk trâu 3 paz pơưs, 47 tus khênhx.

Hâur jias shir phaz no, têx đại biểu tưz fuô lês txox chai txiar ntâuz muôz zok sir zôngv Yar cơưv phổ thông nội trú Tiểu học thiaz THCS Yên Sơn; chos ntông saiz đaz muôs hâur yar cơưv; đros cưk kria thiaz shuv xênhz yar cơưv cxaik zênhx zav saiz đaz muôs; ndis shuôk yar cơưv. 

Cias tov kaz jias txiar ntâuz, yar cơưv tưz kriz jias siv sir zôngv hâux lưv uô mor trâu shuv xênhz nox, tok shuv xênhz lok pư hâur qơư nhoz. Trơưk tsov xav, txix hnuz xiaz 3/9, hur si shuv xênhz zuôr tuôx cơưv hâur yar cơưv.