Hnuz 22/4/2026, Chủ tịch UBPX tỉnh tưz tso tơưv cêr chai cxiv tsa tsưr ziv "Xã, phường por hưv tsav yêz muk lok nhaz xênhz” hâur thax tsav tỉnh Sơn La. Trơưk ntơư, hâur shông 2026, tưz xair 12 xã, phường li: Tô Hiệu, Mộc Sơn, Phù Yên, Bắc Yên, Mai Sơn, Yên Châu, Vân Hồ, Sông Mã, Sốp Cộp, Thuận Châu, Quỳnh Nhai thiaz Mường La chia xair xuz uô trâu sơưr đơưk cơưv shâuv, fuô lês hâux lưv tso điểm, cxênhz yuôx, công nhav txâuk chai “Xã, phường por hưv tsav yêz muk lok nhaz xênhz”. Đuô li 63 xã, phường tưx tsov xav, bax txưv uz no chia fuô lês têx cxênhx cxênhv cxiv tsa tsưr ziv. Tov kaz 1 shông kriz jias cxênhz yuôx thiaz kriz đar hâur hur si tỉnh.

Têx kror txâuk chai cxênhz yuôx hâux lưv uô tâu hâur tsưr ziv tâu cxiv tsa mênhx pêv li: “Xã, phường por yưv tsav yêz muk lok nhaz xênhz”; “Thax tsav muôx pêx xênhv nhoz chôngz por hưv tsav yêz muk lok nhaz xênhz”; “Cơ quan, đơn vị, yar cơưv por hưv tsav yêz muk lok nhaz xênhz”; “Tsêr luôv por hưv tsav yêz muk lok nhaz xênhz”; “Txox cêr tưx saiz car por hưv tsav yêz muk lok nhaz xênhz”; “Ziv nênhs por hưv tsav yêz muk lok nhaz xênhz”. 

Ntơưv Jias cơưv, tưz fuô têx quyết định lok sâuv cxiv tsa tsưr ziv “Xã, phường por hưv tsav yêz muk lok nhaz xênhz” hâur thax tsav tỉnh Sơn La; Tổ côngz xưv fuô lês hâux lưv cxiv tsa tsưr ziv; bộ tiêu chí “Por hưv tsav yêz muk lok nhaz xênhz” trâu xã, phường; ziv nênhs, thax tsav muôx pêx xênhv nhoz chôngz; cơ quan, đơn vị, yar cơưv; tsêr luôv thiaz txox cêr tưx saiz car por hưv tsav yêz muk lok nhaz xênhz hâur thax tsav tỉnh.

Fuô luk ntơưv Jias cơưv, đồng chí Nguyễn Minh Tiến cxiz cov têx sở, ban, ngành, đoàn thể, cxuô xã phường hlôngr yiaz cêr xar, cấp uỷ, nov hâu cơ sở uô tiar phênhv shuôv fuô lês tsưr ziv muôx kaz hâu, fiv huv thax tsav hâux lưv;  tsôngv Công an cxơưz vax huôv zov chênhr thiaz tsik tsês tâu kror siz chos lês hâur ntâu ngành, nhav nxiak siz luôs jok, thôngz ndâux luk thiaz muôx kaz hâu; lês jông côngz xưv fuô kria, chaix tsav yêz muôx txux chi hâur pêx xênhv; têx kror qơư xair xuz uô chia sơưr đơưk cơưv shâuv tsuv uô tiar jông tsưr ziv no, zos qơư chuôz zov chênhr chia kriz đar hâur hur si tỉnh...

Ntơưv Jias cơưv, nênhs hlôngr njêx muôs thơưx car 12 xã, phường tâu xair xuz uô chia sơưr đơưk cơưv shâuv hâur shông 2026 tưz sâu bê chos luk sik tưr hâur fuô lês tsưr ziv, kria pâuz kror sir jos chính trị hâur côngv têk cxiv tsa thax tsav por hưv tsav yêz muk lok nhaz xênhz, viv pêx xênhv cêr uô nênhx shir phaz thiaz nhaz xênhz.