Trơưk fuô, tas nro tỉnh muôx 37 zav ntâuz ntơưr xav cxâuv chai têz qơưk zos zav tsuv cxênhz yuôx, kho đuô; hâur ntơư 34 ntâuz ntơưr tsuv kho đuô, cxaz nzir lok sik hlôngr pâur thiaz 3 ntâuz ntơưr tsuv tso tsês. Cxênhz yuôx, kho đơưk tâu têx cơ quan, đơn vị fuô lês trơưk chox car ntơưv UBPX tỉnh, taz sik nuv uô ntơưv cxuô ngành, thax tsav tsik tâu siz xưk.

Ntơưv jâus uô hâux lưv, têx đại biểu côngv saz lax, haik mênhx iz cxia njiaz luk cik txos cêr cxênhz yuôx, kho đơưk têx ntơưr xav cxâuv chai têz qơưk cik txos kror cxiv kho đuô uô hâux lưv têz qơưk. Hâur ntơư, muôx ntâu ndâux luk phênhz chor nhov, khuôv đais muôx yưv thâuv lês, yax hlo mak xav hur si têx cêr cik txos, vax huôv kho đơưk thiaz ntơưr kho đuô, cxaz nzir, hlôngr lok sik tso tsês ntâuz ntơưr. Têx đại biểu taix khov tsuv tsik so siz côngv ntơưv têx sở, ngành, thax tsav; zênhx max siz nus, thôngz luk kho đơưk têx njiaz luk tsênhv khuôv đais. Moz siaz cxênhz yuôx, saiz njuôk, chok nxiak kror siz luôs, siz thôngx ntơưv têx ntơưr xav cxâuv chai têz qơưk.

Fuô jâus uô nuv, đồng chí Đặng Ngọc Hậu haik: Têx sở, ngành, đơn vị tror fuô thiaz lês Nghị quyết số 190/2025/QH15 ntơưv Quốc hội; côngv yuôx cxix cxuô têx ntâuz ntơưr chia zênhx max saz lax kho đuô, cxaz nzir, hlôngr lok sik tso tsês zos chai xav.

Đồng chí cxiz cov têx đơn vị ndo njôngr sâu hur si têx chor nhov, zênhx max fuô trâu kiz tâu vax huôv saiz tsov, kria txos têx njiaz luk đhâu vax huôv; chok nxiak kho đuô, hlôngr ntơưr tsik tu nduô nuv saiz car têz qơư, tsik hiav txos cêr huôv tsar nhiax txiax - xã hội thiaz nhaz xênhz xã hội thax tsav tỉnh. Zok trâu Sở Tư pháp tsi njênhs têx six hơưv, cxiz têx sở, ngành cxênhz yuôx, uô tiar hồ sơ; txix li yuôx saiz, sâu hur si, saz lax piar trâu kiz tâu vax huôv saiz tsov tso tsês, kho đuô, cxaz nzir lok sik tso tơưv yiaz têx ntâuz ntơưr tuôr xav, chok nxiak thôngz luk, siz luôs hâur têx chai têz qơưk zuk thax tsav.