Uô trơưk Tsưr ziv số 2959, Sở Kôngz lông thiaz Môi trường tưz cxiv tsa têx paz côngz xưv muk cxênhz yuôx cias ntơưv qơư, kria pâuz, cxiz njôngr têx thax tsav fuô lês hâux lưv. Txos nhiv no, Sở tưz cxênhz yuôx 42/75 xã, phường hâur thax tsav tỉnh, zênhx max đơưk tâu sai têx txov nhêv, khuôv đais, cxiz njôngr têx thax tsav zênhx max uô tiar hâux lưv njuôk tsov, cxiv tsa ntâuz ntơưr đêx ar thiaz kror qơư sâu tsês ntâuz ntơưr đêx ar.

Đhâu cxênhz, têx thax tsav tưz cxiv tsa ban chox car, paz côngz xưv, gruô hu cán bộ chuyên môn, đros tsôngv công an, têx tsêr nhiax thiaz đơn vị chuyên môn chia cxênhz yuôx, cxaz nzir ntâuz ntơưr đêx ar. Taz sik, hâux lưv uô tiar ntâuz ntơưr trâu têx thax ar nhoz hâur nhóm 1 (nhóm thax ar tsik tâu muôx txưv ntâuz ntơưr, xor mông cxix cxuô, tsik txâuk chai thiaz sâu tsês cias trâu qơư sâu tsês ntâuz ntơưr đêx ar) ntơưv iz cxia thax tsav tsênhv kênhz. Txos nhiv no, xã Chiềng Sung tưz uô tiar hâux lưv cxiv tsa kror qơư sâu tsês ntâuz ntơưr đêx ar trâu 3.890/9.685 thax ar, tâu 40,2%; xã Chiềng Mung uô tiar 14.461/63.526 thax ar, tâu 22,8%; xã Mai Sơn uô tiar 6.834/62.044 thax ar, tâu 11%; xã Tà Hộc uô tiar 810/18.332 thax ar, tâu 4,4%.

Ntơưv jias cơưv, têx đại biểu tưz moz siaz saz lax, cxênhz đuô hâux lưv uô tâu thiaz tsik tâu ntơưv yênhx thax tsav; têx txov nhêv, khuôv đais hâur côngz xưv sâu tsês cxix cxuô ntâuz ntơưr đêx ar, njuôk tsov xor mông hâur Qơư sâu tsês ntâuz ntơưr đêx ar têz qơưk lok sâuv tiz nênhs, cxênhz yuôx ntâuz ntơưr đêx ar. Đros ntơư, thor tso nzir cán bộ chuyên môn tuôx paz trâu cơ sở uô hâux lưv, zênhx max đơưk tâu sai têx txov nhêv lok sâuv tsưr ziv, chuôz zênhx thiaz hâux lưv chia nzor uô tiar Tsưr ziv số 2959.

Sở Kôngz lông thiaz Môi trường cxiz cov têx thax tsav tror cxơưz ban chox car, paz côngz xưv vax huôv; gruô hu tiz nênhs, đros têx tsôngv nênhs siz chos uô hâux lưv; tưx tsov xav tsưr ziv cxênhz yuôx, sâu cxaz nzir ntâuz ntơưr đêx ar, zênhx max đơưk tâu sai cêr txov nhêv, khuôv đais, sir jos uô tiar têx hâux lưv tso tơưv hâur Tsưr ziv số 2959, paz uô tiar kror qơư sâu tsês ntâuz ntơưr đêx ar têz qơưk zos cêr tuôr xav.