Txix hâu shông 2026 txos nhiv no, UBPX xã Tà Xùa tưz chox car, fuô lês têx tsưr ziv hlôngr yiaz ntâuz ntơưr ntơưv tỉnh, uô tiar 17/34 hâux lưv trơưk cêr tuôr xav. Đros trâu têx hâux lưv zos UBPX tỉnh thiaz Chủ tịch UBPX tỉnh zok, xã tưz tưx phaiz hâux lưv uô, cxiz njôngr lês tiar 532/654 tsưr ziv, tâu 81,3%.

Hâur tu ntâuz ntơưr, Qơư Txaik nhav thiaz Thêv ntâuz ntơưr ntơưv xã tưz rais mênhx pêv 333 cêr chai ntâuz ntơưr zos li vax huôv. Hur si xã tưz txaik nhav thiaz tu tiar 2.780 ntâuz ntơưr, hâur ntơư tyv tsôngv ntâuz ntơưr tâu tu tiar uô ntêx hnuz nhôngs tênhv tâu 98,8%. Vax tsêr, chuôz zênhx paz max hâux lưv txaik nhav ntâuz ntơưr tâu cxưx nhiax uô siz luôs jok. Xã tưz tsik tsês sir zôngv bâu bê số trâu côngz xưv saiz car, chox lês thiaz tu tiar ntâuz ntơưr; tyv tsôngv ntâuz ntơưr tâu sâu bê số thiaz tso tơưv sâuv huôz chuô mạng tâu 99,7%.

Têx hệ thống fuô kria xor mông côngv zôngv ntơưv tỉnh tâu UBPX xã txaik nhav txix têx cơ quan chuyên môn zos UBPX tỉnh saiz car thiaz fuô lês zos chai, trơưk li cxênhx cxênhv hạ tầng số. Hâur shông, xã tưz kriz 4 lớp kria pâuz tsưr ziv yiaz, muôx yax 200 lưv cán bộ, công chức, viên chức thiaz thành viên tổ chuôz zênhx số jêx jok tâu kria pâuz tsưr ziv sir zôngv AI paz trâu hâux lưv zok nriar, côngz xưv chuyên môn.

Taz sik, nhiv no xã Tà Xùa tsênhv njiz têx txov nhêv li: Iz cxia luz jok tox siaz tâu sir zôngv sóng 3G/4G tsik siz luôs jok; tsưr ziv uô ntâuz ntơưr trực tuyến ntơưv iz cxia tus pêx xênhv tsênhv tsik pâuz uô; hâux lưv cơư tsês ntâuz ntơưr hâur đruôz máy tsênhv njiz ntâu cêr txov nhêv tiv xor mông xênhv bê thiaz số xor tôngx chính phủ ntơưv pêx xênhv tsênhv tsik siz luôs jok; tsik muôx txâuk tiz nênhs uô côngz xưv njuôk li tsưr ziv tso tơưv. 

Paz cxênhz yuôx tưz kruôk trâu UBPX xã Tà Xùa kror sir jos hâur fuô lês têx hâux lưv hlôngr yiaz ntâuz ntơưr ntu đhâu. Đros ntơư, cxiz cov xã tror cxênhz yuôx, đơưk cov tâu têx cêr phiv liv, txov nhêv; tsik tsês tso tơưv cêr chai uô hâux lưv ntov nti; tsik so fuô lês, uô tiar têx hâux lưv hâur tsưr ziv hlôngr yiaz ntâuz ntơưr, nhav nxias uô jông uô, zos li cêr tuôr xav; zênhx max tso tơưv cêr chai phaiz hâux lưv tưx cxênhz yuôx ntâuz ntơưr zos chai. Đros ntơư, UBPX xã nzor muôz cêr chai uô ntâuz ntơưr trâu hâux lưv hội, pênhr nhiax zos li vax huôv tu trâu Qơư Iz kror trôngx ntơưv Trung tâm uô ntâuz ntơưr chia txaik nhav thiaz uô tiar ntâuz ntơưr trơưk chai; tsik tsês fuô kria pêx xênhv thiaz tsêr luôv pâuz kror muôx liv ntơưv hâux lưv fuô lês cêr chai uô ntâuz ntơưr trực tuyến sâuv Qơư Tu ntâuz ntơưr têz qơưk.