Ntơưv jâus cxênhz yuôx, têx thax tsav tưz fuô cêr bax bầu cử đại biểu Quốc hội khóa 16 ( XVI) thiaz HĐPX têx cấp ntu 2026-2031. Txos hnuz 14/3, xã Bắc Yên tưz uô tiar cxuô zav bax trâu hnuz bầu cử.  Tas nro xã muôx 5 đơn vị bầu cử, 27 thax tsav tso phiếu, đros 12.469 cử tri. Côngz xưv fuô kria tâu sir jos đhâu têx loa tso suôz, faz mông điện tử, mạng xã hội  thiaz têx jâus fuô tiv njêx muôs ntơưv 27 jok, tiểu khu  trâu yax 7.300 lưv tus nênhs...

 Xav li xã Tạ Khoa, Ủy ban Bầu cử xã tưz ndo njôngr bax cxix cxuô qơư ntơưv 5 đơn vị bầu cử, 25 thax qơư bỏ phiếu, sâu bê 10.039 cử tri. Côngz xưv kho jông, cxơưz paz fuô lês siz luôs; têx công an, quân sự xã tâu txiz tas chia tsưx tâu njias to , nhaz xênhz tsav yêz, phax tar cuz hnhiaz uô ntêx thiaz hâur hnuz bầu cử.

Têx tổ bầu cử thax tsav oz xã cux tiz cxix siv kriz thiaz lês siv lưv ciz tso phiếu bầu cử, kriz cxênhz hur si côngz xưv bax, zênhx max nzir, uô tiar têx cxuô ntu khov muôx. Nhiv no, têx xã taz tov cxênhz yuôx têx cử tri tsik txơưv zênhx, muôx moz, lâuk đas jos ntâuk chia muôx far tso ntơưr phụ hâur hnuz bầu cử.

Đồng chí Phó Chủ tịch Thường trực HĐPX tỉnh tưz sâu nhav thiaz kruôk txos cêr ndo njôngr ntơưv cấp ủy, nov hâu oz xã Bắc Yên, Tạ Khoa. Chia hnuz bầu cử kriz tâu yênhx côngz jông gri, đồng chí cxiz cov têx thax tsav tsik tsês saiz têx txơưr txar pêx xênhv nhoz, chok nxiak tsik yuôr tus cử tri tưs thiaz lês vax huôv bầu cử zos chai têz qơư. Cxiv tsa mênhx pêv faz por hưv têx thax tsav tso phiếu; ndo njôngr têx cêr xav kho đơưk cxuô kror muôx yưv, chok nxiak jâus bầu cử  kriz vax huôv siz luôs, zos chai, nhaz xênhz.