Hâur têx qơư cxênhz yuôx, thơưx car têx thax tsav tưz kria pâuz hâux lưv bax kriz bầu cử đại biểu Quốc hội khóa 16 thiaz HĐPX cxuô cấp ntu 2026-2031. Txos hnuz 14/3, xã Phù Yên tưz lês tiar hâux lưv lo cử tri thiaz têx ứng cử viên têx bê ntơưv 7 đơn vị bầu cử. Côngz xưv bax njiaz luk, fuô kria tâu fuô lês cxix cxuô, paz muôx cêr shir phaz trâu cxuô lênhx pêx xênhv. Hur si xã nhiv no muôx 32.301 cử tri.

Haik txos xã Gia Phù, Ủy ban bầu cử xã tưz moz siaz bax cxix cxuô zav chuôz zênhx ntơưv 6 đơn vị bầu cử, đros trâu 28 thax qơư tso phiếu; lês tiar hâux lưv lo bê 14.233 cử tri. Lực lượng công an, quân sự xã tưz tâu gruô hu chia por hưv thax tsav nox nhoz njias to uô ntêx thiaz hâur hnuz kriz bầu cử.

Ntơưv xã Tường Hạ, đros trâu hâux lưv bax cxix cxuô zav trâu hnuz bầu cử, cxiv tsa thiaz fuô lês tsưr ziv por hưv thax tsav nox nhoz njias to, phax tar hluôr tơưk cuz ntơưv 21 thax qơư tso phiếu. Côngz xưv fuô kria tâu moz siaz txos têx jêx jok tox siaz, đêz đrôngs đhâu loa fuô luk ntơưv jok. Nhiv no thax tsav taz tov moz siaz cxênhz yuôx bê têx cử tri chia cov por hưv tâu jông pêx xênhv vax huôv.

Muôx luk hâur jias cxênhz yuôx, đồng chí Vi Đức Thọ cxiz cov cxuô thax tsav tror moz siaz cxênhz hâux lưv bax kriz bầu cử; sir jos lês jông côngz xưv fuô kria chia cov cử tri tuôx tso phiếu cxix cxuô; cxiv tsa tsưr ziv tu têx hâux lưv muôx yưv, paz zôngx ziv chia cử tri tso phiếu cxix cxuô, zos chai, chia cov hnuz bầu cử yênhx hnuz grâuv pax ntơưv hur si pêx xênhv.