Côngv đros paz côngz xưv muôx thơưx car iz cxia sở, ngành ntơưv tỉnh; thơưx car têx xã Quỳnh Nhai, Mường Giôn, Mường Sại, Chiềng La, Chiềng Lao; hlôngr njêx muôs têx nênhs muôz nhiax uô thiaz đơn vị kria uô.

Paz côngz xưv tưz cxênhz qơư njuôk xav zuôr uô Dự án điện yar ntux trâu sâuv pak tênhz điện Sơn La ntơưv têx xã Quỳnh Nhai, Mường Giôn, Mường Sại, Chiềng Lao, Chiềng La. Nhiv no, têx tsưr muôz nhiax taz tov njuôk xav, khov muôz nhiax uô 3 dự án điện yar ntux trâu sâuv pak tênhz điện Sơn La, njuôk xav hur si uô tas yax 23.400 tỷ nhiax. Njuôk xav muôx jos txos 1.000 MW, zôngv tas 1.200 ha blaiv đêx đar, muôx têx zav, li: Têx zak zưr ntaz đêx, trạm biến áp, hluô chaz thiaz têx qơư tsưx tsês điện.

Ntơưv jâus cxênhz, uô hâux lưv, tus tsưr muôz nhiax tưz haik txos têx tsưr ziv njuôk xav mênhx pêv, tsưr ziv uô li chak cov fiv huv trâu cêr sir zôngv blaiv đêx ntơưv têx hâux lưv huôv tsar nhiax txiax, xã hội thax tsav dự án (cêr gox, huôv tsar nuôv zax, zus tsiax đêx) thiaz txo tsơưs cêr ruôr hiav txos cêr nhaz xênhz. Đros ntơư, khov UBPX tỉnh Sơn La njuôk xav cxênhz, chia uô chinhr chưr fuô lês têx hâux lưv txuôk nzir; kho đuô qơư sir zôngv ar thiaz njuôk xav têx zav fiv huv trâu dự án. Xar cov tỉnh paz zôngx ziv trâu têx tsưr muôz nhiax uô chia tâu cxênhz yuôx, njuôk xav dự án, bax trâu côngz xưv tso chai nriar nênhs uô.

Hâux lưv fuô lês dự án tsik zos fiv huv trâu hâux lưv huôv tsar điện yar ntux hâur têz qơưk mal tsênhv paz tsar điện thiaz txâuk zôngv trâu tỉnh Sơn La, zuôr paz trâu hâux lưv hlôngr zôngv điện yar ntux thiaz huôv tsar njuôz hâur têz qơưk. Lar haik, mal hâur ntu cxiv tsa thiaz sir zôngv tsêr mair zuôr paz trâu pêx xênhv hâur thax tsav muôx hâux lưv uô, sâu nju nhiax.

Muôx lul trâu jâus uô hâux lưv, đồng chí Hà Trung Chiến tưz haik, tỉnh Sơn La zuôr paz jông yax chia fuô lês têx dự án điện yar ntux trâu Cêr njuôk xav điện VIII thax tsav fiv huv trâu Trung ương txox cêr chai thiaz zôngs ntov cêr chai lix qox thiaz têx cêr chai cik txos, nhav nxias điện yar ntux muôx liv trâu thax tsav, fiv huv trâu tsêr luôv thiaz pêx xênhv hâur thax tsav dự án. Đồng chí cxiz tus tsưr muôz nhiax xair têx qơư cxiv puôz điện yar ntux, nhav nxias fiv huv trâu gox đês mul lol tâuk thôngz plơưk, huôv tsar nuôv zax thiaz zus tsiax đêx thax tsav pak đêx tênhz điện. Cxênhz yuôx, cxiav tsa nzir têx tsưr ziv zôngv trox điện yar ntux trâu đruôz ar ntơưv iz cxia thax tsav chia cxiv tsa trâu thax tsav pak đêx. Cxiz têx sở, ngành đros tus tsưr muôz nhiax, đơn vị kria uô chia lês tiar têx tsưr ziv, chia khov tsưr ziv muôz nhiax uô, saz lax trâu cấp muôx vax huôv tso chai trâu dự án, nhav nxias zos li cêr chai lix qox.