Jâus no muôx têx đồng chí Ủy viên Ban Thường vụ Tỉnh ủy, Thường trực HĐPX, UBPX tỉnh; thơưx car cxuô sở, ban, ngành, Hiệp hội Tsêr luôv tỉnh; thơưx car cxuô xã cik txos.

Paz côngz xưv ntơưv tỉnh tưz cxênhz njuôk hâux lưv huôv tsar nuôv zax, tênhz đêx thiaz tsav gox muk lok nhaz xênhz hâur pak đêx tsêr máy tênhz đêx Sơn La ntơưv tus qox Pá Uôn nhoz têx xã Quỳnh Nhai, Mường Giôn, Mường Chiên.

Hnuz 13/6/2025, Thủ tướng Chính phủ tưz fuô tơưv Quyết định tso chai Tsov xav têx qơư nuôv zax ntu 2021 - 2030, tuôr xav txos shông 2045. Trơưk ntơư, pak đêx tsêr máy tênhz đêx Sơn La tâu muôz lok sâu đros têx thax tsav nuôv zax nziv huôv tsar yênhx Thax tsav nuôv zax têz qơưk. Sir jos txos shông 2030, thax tsav nuôv zax zuôr tok cov tâu 1,3 triệu lưv kruô, xav hur si nhiax sâu tâu txix hâux lưv nuôv zax nto 6.800 tỷ nhiax. Đros ntơư, tỉnh Sơn La tsênhv sir jos uô tiar yax 50% kror txâuk chai chia tâu công nhav thax tsav pak đêx tsêr máy tênhz đêx Sơn La zos Thax tsav nuôv zax têz qơưk, sir jos uô tiar cxix cxuô têx tiêu chí ntơưv Thax tsav nuôv zax têz qơưk trâu shông 2035. 

Đhâu cxênhz hâur thax tsav huyện Quỳnh Nhai (kuz) muôx 8 dự án tưz tâu puz muôx vax huôv tso tơưv cêr chai cxưx nhiax uô thiaz puz Ntơưr công nhav sâu bê cxưx nhiax uô. Nhiv no, Công ty Cổ phần Năng lượng VinEnergo taz tov thor tsov xav 3 dự án Tsêr máy tênhz đêx zôngv điện yar ntux 1.1, 1.2 thiaz 2. Tsov xav, thâuv tâu cxiv puôz, têx dự án zuôr côngv nhiax trâu pênhr cxưx nhiax uô hur si xã hội nto 7.279 tỷ nhiax. Thâuv uô tiar thiaz muôz lok sir zôngv, têx dự án xav zuôr thêv 137 tỷ nhiax trâu nhiax txiax thax tsav hâur iz shông; đros ntơư tsênhv paz 1.000 tus nênhs muôx hâux lưv uô hâur ntu cxiv puôz thiaz 50 lênhx thâuv uô tiar.

Tov kaz cxênhz njuôk cias ntơưv qơư, paz côngz xưv ntơưv tỉnh tưz cơưv, moz siaz saz lax, thor đơưk têx cêr txov nhêv, khuôv đais hâur têx txox chai ntơưv Cêr chai cik txos kror txâuk chai uô luôv nuôv zax, cêr chai đêx ar, tsav gox muk lok nhaz xênhz, saiz car cxuô zav gox; paz pak đêx tsêr máy tênhz đêx Sơn La huôv tsar thiaz txâuk têx chai công nhav Thax tsav nuôv zax têz qơưk; moz siaz, paz nhiax cxiv puôz vax tsêr, cêr muk lok, tsưr ziv uô luôv nuôv zax; cêr muk lok txuôk têx thax tsav, kror qơư nuôv zax thiaz cxuô kror txơưr, lar haik paz nhiax pênhr uô ntêx trâu hâux lưv cxưx nhiax cxiv puôz vax tsêr, cêr muk lok huôv tsar nuôv zax thax tsav pak đêx Quỳnh Nhai.

Fuô luk jâus no, đồng chí Lò Minh Hùng cxiz cov cxuô sở, ngành thiaz têx xã tror cxênhz yuôx, uô tiar tsưr ziv tsov xav trơưk huôv tsar tênhz đêx thiaz huôv tsar nuôv zax truôx njês thax tsav pak đêx tsêr máy tênhz đêx Sơn La fiv huv. Đồng chí haik mênhx, tsov xav huôv tsar nuôv zax thax tsav pak đêx tsêr máy tênhz đêx Sơn La yênhx thax tsav nuôv zax têz qơưk thiaz Thax tsav nuôv zax Quỳnh Nhai yênhx thax tsav nuôv zax cấp tỉnh, viv li, cxuô sở, ngành ntơưv tỉnh tsuv uô jông tsov xav chia têx dự án uô tơưv điện ntơưv thax tsav pak đêx tsêr máy tênhz đêx cê uô tơưv điện, cêr cxơưz huôv tsar nhiax txiax ntơưv tỉnh, cê fiv huv tsov xav, paz huôv tsar nuôv zax. Đros trâu têx cxênhx cxênhv tsênhv khuôv đais, đồng chí zok trâu têx cơ quan chuyên môn tror tsov xav, uô tiar chia kria cấp muôx vax huôv paz cxênhz yuôx, tu cov tiar.