Fuô lês hâux lưv, txix luz 4 hli txos nhiv no, UBPX tỉnh tso tơưv quyết định tsa tơưv tổ côngz xưv thiaz phaiz hâux lưv trâu têx thành viên. Txos nhiv no, muôx 17/17 sở, ngành tso tơưv cêr xav, tsa tơưv tổ cxênhz yuôx thiaz gruôv bê sâu thành viên tổ côngz xưv, tổ paz nuv; 69/75 xã, phường tso tơưv cêr xav; 34/75 xã, phường cxiz thành viên tổ côngz xưv, tổ paz nuv; 50/75 xã, phường tsa tơưv tổ cxênhz yuôx.

Sở Tư pháp zos cơ quan Thường trực tổ côngz xưv tưz saz lax trâu UBPX tỉnh tso tơưv cêr xav lês, têx ntâuz ntơưr kria chia cxênhz yuôx, kria mênhx hâux lưv cxênhz yuôx, gruôv đros bê têx ntâuz ntơưr xav cxâuv chai têz qơưk zos têx sở, ngành saz lax trâu UBPX tỉnh, HĐPX tỉnh tso tơưv. Fuô lês zôngv siv 3 phênhv đruôz máy zos Bộ Khoa học thiaz Công nghệ haik kria. Sở Tài chính tso tơưv ntâuz ntơưr chox car kria lok sâuv nhiax txiax, njiaz luk, muôz nhiax cxênhz hur si têx ntơưr xav cxâuv chai têz qơưk.

Fuô luk ntơưv jâus uô nuv, đồng chí Đặng Ngọc Hậu, Phó Chủ tịch UBPX tỉnh cxiz cov têx thành viên tổ côngz xưv, tổ paz nuv côngv uô côngz xưv cxênhz hur si; cxiz têx xã, phường tso tơưv tuôr xav tsa tơưv tổ côngz xưv, tổ paz nuv. Ndo njôngr tsov xav têx ntơưr ntơưv bộ, ngành Trung ương, zôngv AI trâu cêr cxênhz yuôx ntơưr xav cxâuv chai têz qơưk. Sir zôngv nhiax chok nxiak cxênhz yuôx hur si zênhx max, muôx liv. Têx sở, ngành, thax tsav côngv lês ntov thâuv lês cxênhz têx ntơưr xav cxâuv chai têz qơưk cov tsik siz yôngx, uô tsik tiar, tsik jông; xav hur si cêr chor nhov, khuôv đais fuô trâu Tổ côngz xưv zênhx max kho đơưk hâur ntu lês.