Dự án Yar cơưv phổ thông nội trú liên cấp Tiểu học thiaz THCS xã Lóng Phiêng tưz sir zôngv yax 243 tỷ nhiax, đar yax 4,8 ha, li: 12 luz tsêr lox, tsêr cơưv, tsêr bộ môn, qơư nhoz trâu shuv xênhz, tsêr uô lưv zav, tsêr mor thiaz ntâu hâux lưv txơưr. Shông cơưv yiaz 2026-2027, Yar cơưv phổ thông nội trú Tiểu học thiaz THCS Lóng Phiêng muôx 1.050 shuv xênhz cơưv txix khối 1 txos khối 9, phênhv ntâu zos pêx xênhv cxuô hair nênhs tsơưs mê nhuôv.

Jias txiar ntâuz muôz zok sir zôngv Yar cơưv Phổ thông nội trú Tiểu học thiaz THCS Lóng Phiêng zuôr tâu kriz txix 8 six tas cik hnuz 22/8, muôx têx cxênhx cxênhv: Cxiax cxênhv haik cưr cxiax phôngv côngz; kria pâuz ntu fuô lês, hâux lưv cxiv puôz yar cơưv; kruôk; txox chai txiar ntâuz muôz zok sir zôngv, chos ntông saiz đaz muôs thiaz ndis shuôk yar cơưv.   

Hâur hnuz 21 thiaz 22/8, yar cơưv tưz siv sir zôngv jâus tiv iz, cxênhz yuôx cias ntơưv qơư, uô tiar têx cxênhx cxênhv txix txaik nhav, bax qơư nhoz, uô mor nox txos cơưv ntơưr thiaz saiz car shuv xênhz nox nhoz cơưv ntơưr hâur yar cơưv. Hnuz xiaz 3 thiaz 4/9 yar cơưv zuôr kriz jias siv sir zôngv jâus tiv oz, paz bax txưv uz no uô ntêx thâuv tok shuv xênhz tuôx cơưv trâu shông cơưv yiaz.

Chia bax trâu jias no, têx cơ quan, đơn vị, thax tsav tưz tưx cxiv tsa tsưr ziv siz chos lês, zênhx max uô tiar têx kror txâuk chai paz trâu cxiax cxênhv thiaz muôz yar cơưv lok sir zôngv. Đhâu cxênhz, têx cxênhx cxênhv tâu uô trơưk li tsưr ziv tso tơưv.

Đồng chí Nguyễn Đình Việt, Chủ tịch UBPX tỉnh cxiz cov têx sở, ngành, nov hâu thax tsav thiaz yar cơưv tror cxênhz đuô hur si cxênhx cxênhv, kror txâuk chai paz trâu jias txiar ntâuz, nhav nxias jias no tâu kriz nhaz xênhz, muôx txiax njis lok six zov chênhr. Đros ntơư, zênhx max uô tiar têx kror txâuk chai chia txaik nhav shuv xênhz thiaz siv sir zôngv yar cơưv, lar haik têx kror txâuk chai paz trâu qơư nox nhoz trâu shuv xênhz, tsêr mor, cơưv ntơưr thiaz por hưv shuv xênhz; nhav nxias yar cơưv tâu muôz zok sir zôngv truôx njês, muôx kaz hâu./.