Txuv jâus cơưv muôx đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; têx thành viên Hội đồng Siz tưr – Kruôk nênhs tỉnh.

Ntơưv jâus cơưv, nênhs hlôngr njêx muôs cơ quan thường trực Hội đồng Siz tưr-Kruôk tỉnh tưz fuô têx nuv uô cxênhz yuôx, ntơưr piar, sâu bê nênhs taix khov kruôk, kruôk uô tâu nuv têz qơưk ntu shông 2025. Txix têx cêr xav têx chai kruôk, têx thành viên Hội đồng Siz tưr - Kruôk tỉnh tưz saz lax, cxênhz thiaz tsa têk đhâu bê sâu kruôk trâu ntu paz nuv, kruôk têx hâux lưv têz qơưk shông shông 2025 muôx 1 paz thiaz 89 tus nênhs. Hâur ntơư, taix khov puz Côngz mênhx uô nuv hov Iz trâu 2 tus nênhs; Côngz mênhx Uô nuv hov Pêz trâu 10 tus nênhs; puz côngz Qix siz tưr ntơưv Chính phủ trâu 1 paz; Ntơưr kruôk ntơưv Thủ tướng Chính phủ trâu 77 tus nênhs.

Fuô luk ntơưv jâus cơưv, đồng chí Chủ tịch UBPX tỉnh cxiz cov cơ quan thường trực Hội đồng Siz tưr - Kruôk nênhs tỉnh uô tiar ntâuz ntơưr saz lax trâu kiz siaz saiz tsov chok nxiak zos chai. Đros ntơư tsênhr cov ntu zuôr txos, côngz xưv siz tưr kruôk tsuv hlôngr yiaz njiaz luk txox cêr lês cov muôx liv; siz tưr kruôk nênhs tsuv zênhx max, zos chai xav, tis txos xã jok; tsik tsês lês côngz xưv fuô kria têx nênhs nto côngz chia uô tâu muk đêz đar hâur têz qơưk; cêr chai xair kruôk nênhs tsuv chok nxiak mênhx pêv, lar tsiv nhos, txâuk njênhs thiaz muôx cêr uô tâu muk đêz đar, đhâu ntơư chuôz jos siz tưr, trâu siaz uô cov tiar têx hâux lưv huôv vav nhiax txiax, xã hội ntơưv tỉnh.