.

Côngz xưv bax cxưx nhiax uô txox cêr yêz muk chênhr CT.03 (Mộc Châu – Sơn La – Điện Biên), Ban Saiz car dự án uô cêr yêz tỉnh phênhv ntâu tưz lês tiar hâux lưv njuôk tsov nhiax txâuk uô cêr; têx ntơưr tưz tâu Hội đồng cxênhz yuôx tỉnh fuô lês thiaz taz tov trâu siaz uô cov tiar têx ntơưr chia saz lax trâu cấp muôx vax huôv. Đhâu đros 17 xã, phường muôx cêr muk đhâu uô hâux lưv, cxuô qơư puôr lênhx zênhv trơưk njuôk tsov uô txox cêr, khov cov cxênhz iz cxia hiav txos pêx xênhv, chia uô txos cêr cov jông.

Ntơưv jias cơưv, têx đại biểu tưz saz lax mênhx têx cêr chor nhov thâuv lês côngz xưv yêv qơư, nriar đuô qơư trâu pêx yêv muk nhoz, têx qơư lâuz khâuz, cux li têx tsưr ziv saz lax cov đros đơưk têx cêr phiv liv chia uô cov sai dự án.

Ntơưv jias cơưv, đồng chí Chủ tịch UBPX tỉnh cxiz Ban saiz car dự án cxưx nhiax uô têx cêr yêz tỉnh đros xã Vân Hồ, Tô Múa thiaz têx đơn vị lênhk uô siz chos saz lax cov yêv sai qơư, têx qơư lâuz khâuz, têx qơư yêv pêx xênhv muk nhoz thiaz cêr, tsênhr cov nzor zok qơư trâu đơn vị uô. Iz chas ntơư, cux cov nzir nênhs uô hâux lưv, cxiz cov tsêr luôv nzir nênhs, máy, chuôz zênhx uô sai yênhx tuần, yênhx luz hli, kênhz yax cux txos hnuz 30/12/2027 uô tiar txox cêr yêz muk chênhr Hòa Bình – Mộc Châu, ntu muk đhâu tỉnh Sơn La. 

Hok dự án cêr yêz muk chênhr CT.03, đồng chí cxiz Ban Saiz car dự án cxưx nhiax uô cêr yêz tỉnh zênhx max uô tiar têx ntơưr njuôk tsov, chia siz chos đros cxuô bộ, ngành Trung ương saz lax trâu cấp muôx vax huôv njuôk tsov, tso chai cxưx nhiax uô; bax cxuô tsar cxuô zav tsênhv chênhz chia uô dự án cias thâuv tâu cir ntơưr tso chai. Văn phòng UBPX tỉnh siz chos đros cxuô sở, ngành thiaz 17 xã, phường cơưv trâu hnuz 3/4/2026 chia saz lax yêv qơư cov têx xã, phường pâuz mênhx txox cêr ndax thax tsav tưs, chia bax yêv qơư ntơưv têx xã, phường..