Fuô lês Công văn ntơưv Bộ Ngoại giao, tsov xav đồng chí Lê Hoài Trung, Ủy viên Bộ Chính trị, Bộ trưởng Bộ Ngoại giao zuôr taz zơưs Ibaragi Ryuta, Thống đốc tỉnh Okayama, Nhật Bản ndax jias tuôx shuôk Việt Nam txix hnuz 25 txos 28/3/2026 chia tâu kror siz chos uô hâur tỉnh Okayama thiaz têx thax tsav ntơưv Việt Nam hâur têx hâux lưv tỉnh muôx ntâu kror muôx liv li: Tiz nênhs uô hâux lưv, kôngz lông, xơưk tsôngk hnar...

Tỉnh Sơn La zos iz hâur têx thax tsav tâu chơư tuôx txuv, saz lax, kria pâuz xênhz txơưv, kror muôx liv; đros ntơư zok nriar cxiv tsa thiaz kriz đar tsưr ziv đros tỉnh Okayama siz khov uô cxuô zav hâux lưv fiv huv.  

Ntơưv jias cơưv bax cxênhx cxênhv tưz moz siaz saz lax lok sâuv cxiv tsa cxênhx cxênhv zov chênhr ntơưv tỉnh paz kria pâuz Sơn La xênhz txơưv cêr muôx liv hâur huôv tsar kôngz lông sir zôngv chuôz zênhx jông, tu jông kôngz txir nox thiaz muôs trâu oz chas têz; haik mênhx muôx ntâu kror muôx liv hâur siz chos choz kria uô hâux lưv, chox nênhs muk uô hâux lưv trâu têz qơưk Nhật Bản; tsik tsês siz chos nthuôr txux chi, kria cxuô kror qơư pâuz đuôz thax tsav jông, cxiv tsa têx hâux lưv siz chos huôv tsar nuôv zax đros trâu kror muôx liv ntơưv oz tos.

Fuô luk ntơưv jias cơưv, đồng chí Phó Chủ tịch UBPX tỉnh haik mênhx: Tỉnh Sơn La tâu txuv cxiax cxênhv Bộ trưởng Bộ Ngoại taz thiaz đros Thống đốc tỉnh Okayama, Nhật Bản uô hâux lưv muôx txiax njis lok six zov chênhr, zos jias chia tsik tsês siz khov, kria tỉnh kror xênhz txơưv, muôx liv, đros ntơư kriz đar têx hâux lưv siz khov muôx kaz hâu trâu ntu zuôr txos. Đồng chí Phó Chủ tịch UBPX tỉnh cxiz cov têx sở, ngành cik txos bax cxênhx cxênhv trâu jias uô hâux lưv, zov chênhr mak kria cxuô kror qơư pâuz tỉnh kror xênhz txơưv thiaz muôx liv, tsov xav gruô hu tsưr muôz nhiax uô, bê têx dự án gruô hu tsêr luôv tuôx tso pênhr uô thiaz ntâu ndâux luk siz khov mênhx pêv.