Lês Quyết định số 1660/QĐ-TTg hnuz 26/12/2024 ntơưv Thủ tướng Chính phủ txos têx nhiax bax tsês zos nhiax Trung ương shông 2024 trâu iz cxia thax tsav kho đơưk têx ntux nas chuô đax số 3 hiav thiaz tov kaz mas yôngz, UBPX tỉnh Sơn La tưz tso tơưv Quyết định số 182 hnuz  22/1/2025 lok sâuv phaiz, car, sir zôngv têx nhiax tsês zos Trung ương li shông 2024 chia lês 14 dự án, xav hur si nhiax cxiv tsa 250 tỷ đaiv; xav trâu cêr, kho đuô qơư trâu pêx xênhv nhoz thiaz  đơưk têx ntux hiav.

Têx sở, ban, ngành, thax tsav, tsưr cxiv tsa thiaz nênhs ntiar uô tưz côngv fuô lês, txos nhiv no 14/14 dự án tưz uô tiar têx nuv cxiv puôz. Yêv qơư đo tiar trâu 13 dự án; 1 dự án tsik sâu ar tror. Cxaz nzir muôz nhiax tâu yax 236 tỷ đaiv, bâuv li yax  94%  cêr xav pênhr nhiax. Têx dự án tưz truôx njês cêr nox nhoz trâu 377 ziv pêx xênhv ntơưv 13 xã, phường; têx zav khov muôx li cêr yêz, điện, đêx uô nox hâuk, thair tsas cov tsik poz, têx qơư đêx ntưk tưz uô tiar, siz chos yôngv siaz pênhr xưv phax, tar ntux hiav, chok nxiak nhaz xênhz tiz nênhs thiaz chuôz tav pêx xênhv.

Xav li têx dự án sir zôngv têx nhiax tsês zos Trung ương li shông 2025, Sơn La tưz tso chai thiaz muôx luk cxiv puôz công trình zênhx max trâu 15/15 dự án, muôx: 5 dự án tuôr xav, kho đuô pêx xênhv qơư nhoz; 3 dự án kho qox, cêr yêz; 7 dự án kho đuô yar cơưv. Txos nhiv no, tưz uô tiar côngz xưv yêv qơư đo trâu 2/8 dự án tsuv lês; 7 dự án tsik yêv qơư đo. Tưz piz uô 4/15 dự án. Hâur ntơư, dự án tuôr xav, kho đuô pêx xênhv qơư nhoz zênhx max thax tsav ntux hiav  jok Sòng Hạ, xã Chiềng Sơ tưz uô têx cxuô zav nuv. Têx tsưr cxiv tsa taz uô tiar ntâuz ntơưr cxiv tsa, sir jos yêv qơư đo thiaz kriz uô trâu têx dự án txâuk chai.

Ntơưv jâus cơưv, têx đại biểu  côngv saz lax, haik tsênhz têx chor nhov hâur côngz xưv xav, cxênhz yuôx dự án; tsov njuôk, xav uô; yêv qơư đo; tuôr xav pênhr thiaz kriz uô. Đros ntơư, taix khov têx tsưr ziv đơưk cêr khuôv đais, sir jos uô sai lês. Lar haik, tsuv yôngv siaz qơư sơưr, phênhv shuôv ntơưv tsưr cxiv tsa cấp xã; tsik so côngv đros têx sở, ngành hâur cêr kria, cxênhz yuôx thiaz tu têx ntâuz ntơưr.

Fuô luk ntơưv jâus cơưv, đồng chí Nguyễn Minh Tiến cxiz cov têx đơn vị tror côngv tias, zênhx max uô tiar hồ sơ, ntâuz ntơưr trâu têx dự án tsik tiar; sir jos yêv saiz qơư đo, uô thiaz muôz nhiax pênhr lês. Tsưr cxiv tsa tsuv yôngv siaz phênhv shuôv, ndo njôngr đros têx đơn vị cik txos, chok nxiak hnuz nhôngs uô, têx công trình jông khor; đros ntơư ndo njôngr xav pênhr nhiax yêv qơư đo trâu têx xã. 

Xav li  têx dự án sir zôngv nhiax tsês zos Trung ương li shông 2025, cxiz cov cxênhz ntov nti, txos tsơưs yax cêr kho đuô ntâu jâus; sir jos uô sai cêr xair tsov nênhs ntiar, piz uô têx dự án txâuk chai. Đros ntơư, tsik so cxênhz yuôx, sox njôngr, chok nxiak sir zôngv muôx liv têx pênhr nhiax, nzor uô tiar têx công trình, siz chos paz max truôx njês pêx xênhv mas ntux hiav qơư nhoz, cxơưz paz huôv vav nhiax txiax - xã hội thax tsav tỉnh.