Jâus cơưv muôx têx đồng chí: Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; Nguyễn Đình Việt, Phó Bí thư Tỉnh ủy, Chủ tịch UBPX tỉnh; Của Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; têx đồng chí hâur Ban Thường vụ Tỉnh ủy; thơưx car iz cxia ngành ntơưv tỉnh.

Saiz hloz Đảng, saiz hloz shông Yiaz Nênhk shông 2026, tỉnh Sơn La tưz tsa tơưv têx paz côngz xưv muk yuôx côngz xưv bax Tsiaz ntơưv cxuô thax tsav, cơ quan, đơn vị zuk thax tsav; cxơưz paz têx nênhs jor Tsiaz. Đros ntơư, chox car têx xã, phường lês jông têx cêr chai uô nênhx yar ntux, muôx liv xã hội, tu saiz têx cêr nox nhoz thiaz chia siaz ntơưv tsôngv pêx xênhv, chok nxiak cxuô ziv nênhs, cxuô tus nênhs puôr lênhx muôx cêr lov jêv, tok Tsiaz.

Tas nro tỉnh tưz lês cêr paz chơưv yaiz Tsiaz Têz qơưk thiaz yaiz chaix grik nôngz kôngz trâu 6.629 ziv đros 25.341 tus nênhs, xav têx cxur paz 488.820 chiaz. Ủy ban MTTQ Việt Nam tỉnh taz nhav, phaiz cxaz nzir huv ziv pluôs txix Quỹ nhiax "Viv nênhs pluôs" trâu têx xã, phường; chox car têx xã, phường puz huv Tsiaz trâu 51.001 ziv pluôs, ziv jê cêr pluôs uô ntêx Tsiaz Têz qơư Nênhk shông.

Têx thax tsav cux kriz ntâu nuv uô si uô ntêx, hâur thiaz tov kaz Tsiaz, li: Gruôv pax ciaz pax ntux Yiaz; tênhz tso ntơưr yuôz, báo; cxiax cxênhv cưr cxiax sênhr chêr hơưv Đảng, hơưv shông Yiaz Nênhk shông 2026; tuô fov ntơưr pax tok ntux kriz yiaz; tso luk gruô hu chos ntông... Têx thax tsav, qơư nuôv zax thax tsav têx xã, phường kriz trôngx tok kruô thiaz kriz ntâu cxiax cxênhv chia paz max, chơư kruô tuôx ndis saiz, xav têx pưs kruô nuôv zax xav jê 300 cxênhz pưs (tsar 20% njuôk chaix no shông 2025); xav hur si nhiax kruô nuôv zax sâu tâu zuk thax tsav nto 360 tiv đaiv.

Côngz xưv por hưv đas jos trâu pêx xênhv; phax, tar, tik cêr cxâuv têx nênhs cxâuv; cxênhz, yuôx, chok nxiak tsav yêz nhaz xênhz, phax, tir cuz tơưs tâu lês nzir. Cêr tok shông yiaz ntơưv cán bộ, chiến sĩ thiaz pêx xênhv lov jêv, cax siaz, tâu jông, nhaz xênhz, txuôs cxuô zav; tsưx tâu njias to chính trị, tưx zưv nhaz xênhz xã hội thax tsav tỉnh truôx njês; njias to đriv têz, njias to zuk têz qơưk tâu nhaz xênhz…

Fuô luk jâus cơưv, đồng chí Hoàng Văn Nghiệm, Bí thư Tỉnh ủy, tưz kruôk, sâu nhav têx cêr sir jos ntơưv cxuô cấp, ngành, thax tsav hâur cêr kriz lês trâu cán bộ, pêx xênhv tok Tsiaz Têz qơưk Nênhk lov jêv, kaz siaz, nhaz xênhz, txuôs cxuô zav; chok nxiak njias to chính trị, tưx zưv nhaz xênhz xã hội zuk thax tsav. Đros ntơư, cxiz cov têx cấp, têx ngành, thax tsav côngv tsi njênhk cêr chai, hâux lưv tâu zok zênhx max lês têx hâux lưv cias hâu shông, tsik chia lâus ntêr hnuz nhôngs so Tsiaz, cêr gruôv pax hiav txos cêr uô nuv, hâux lưv uô, truôx siaz uô cov tiar zênhx cxuô cêr xav huôv vav nhiax txiax- xã hội, chok nxiak tsưx hưv têz qơư - njias to shông 2026. Zov chênhr zos sir jos uô sai thiaz muôz nhiax uô têx công trình, dự án zov chênhr; côngz xưv bax cxuô zav yênhx côngz jâus bầu cử đại biểu Quốc hội khóa 16 thiaz HĐPX têx kiz ntu 2026 - 2031; côngz xưv zuôr nênhs muk por hưv têz qơư shông 2026; cêr kriz cơưv shâuv, fuô lês têx chỉ thị, nghị quyết yiaz ntơưv Trung ương, Cxiax cxênhv nuv uô lês Nghị quyết Đại hội têz qơư jâus tiv 14 ntơưv Đảng, Nghị quyết Đại hội đại biểu Đảng bộ tỉnh jâus tiv 16, ntu 2025- 2030.