Hâur jias uô hâux lưv thôngx siaz, siz khov, nov chox car Sở Công Thương tỉnh Sơn La shir phaz lus taz thiaz piar kria paz nov uô hâux lưv pâuz mênhx têx zav ngành Công Thương tỉnh Sơn La đros Sở Công Thương tỉnh Hủa Phăn lês tâu.

Ntu đhâu, Sở Công Thương tỉnh Sơn La thiaz Sở Công Thương tỉnh Hủa Phăn tưz siz khov, siz kria tsik so cxuô zav hâux lưv huôv tsar vax tsê, cêr puô tsar zav thax tsav đriv têz thiaz hâux lưv zuôr cux li muôs hax huv muk lok ntơưv têx tuz luôv, pêx xênhv nhoz đriv têz đhâu têx trôngx lôngs đriv têz oz luz tỉnh; paz cov têx tsêr luôv thiaz pêx xênhv tâu siz cơưv shâuv, uô lax luôv cxuô zav hax huv, cxưx nhiax huôv tsar cêr lax luôv trơưk đraiv cêr chai oz saz têz qơưk zos têx hax huv nhiak muôx.

Ntơưv jias uô hâux lưv no, nov chox car Sở Công Thương tỉnh Sơn La chia siaz Sở Công Thương tỉnh Hủa Phăn zuôr tror paz max têx tuz luôv tỉnh Sơn La thâuv cxưx nhiax zuôr têx kôngz ntơưv têx tỉnh đriv têz Lok Tsuôk; uô ntơưr chứng nhav thâux hax huv muk lok zôngx ziv chia uô lax luôv têx hax huv uôk tuz luôv tỉnh Sơn La cxưx nhiax uô nox, zus tsiax cxu trơưk Hiệp định cêr lax luôv đriv têz oz tos tưz cir. Xar khov Sở Công Thương tỉnh Hủa Phăn kria trâu nov hâu tỉnh pâuz mênhx têx hâux lưv zuôr tsuv cxưx nhiax uô uô ntêx zos uô cêr yêz puô tsar zav, cxiz nzir nênhs sox car, saiz car trơưk chai têz qơư ntơưv oz saz trôngx lôngs zâu Nà Cài - Sốp Đung thiaz Nậm Lạnh - Mượng Pợ trơưk chai têz qơưk Lok Tsuôk, paz tuz luôv oz saz tỉnh zôngx ziv uô lax luôv, muôs hax huv. Tror siz khov huôv tsar công nghiệp, siz khov ntâu yênhx hax huv chia muôs; paz têx qơư uô huv công nghiệp jêx jok hlôngr yiaz công nghệ, Sir zôngv kỹ thuật, uô jông têx hax huv; iz thênhv jux juk siz chos njuôk tsov, cơưv shâuv tsưr ziv chia tsêr luôv thiaz têx qơư uô tơưv hax huv oz luz tỉnh siz khov uô lax luôv.

Ntơưv jias uô hâux lưv, nov chox car Sở Công Thương tỉnh Hủa Phăn uô tsâus Sở Công Thương tỉnh Sơn La tưz shir phaz lus taz. Chia siaz txix no muk, oz Sở zuôr tror njuôk tsov, saz lax uô lax luôv trơưk Chính phủ oz luz têz qơưk tưz tso chai, hâur ntơư muôx cêr lax luôv thax tsav đriv têz thiaz têx ntơưr chos luk lês tas nro cxuô tsar zav ntơưv tỉnh Hủa Phăn thiaz Sơn La siz khov uô lax luôv công nghiệp thiaz lax luôv. Oz tos tror siz paz, puôz tiz têx tsêr luôv Việt Nam thiaz tsêr luôv tỉnh Sơn La njuôk tsov cxưx nhiax uô nox saz kôngz lông, huôv tsar tsiax cxu, nuôv zax homestay thiaz têx hâux lưv txơưr ntơưv tỉnh Hủa Phăn. Tsik tas li, khov nov chox car Sở Công Thương tỉnh Sơn La ạuôk tsov paz oz Sở siz chos kriz ciaz, piar muôs têx hax huv ntơưv thax tsav đriv têz lok sik siz hlôngr kriz ciaz ntơưv đrôngs oz luz tỉnh.