80 shông đhâu, đros trâu lực lượng An ninh pêx xênhv hur si têz qơưk, lực lượng An ninh Công an Sơn La tưz lês tâu ntâu zav hâux lưv tsênhv chênhz hâur cxiv tsa thiaz por hưv têz qơưk. Nthuôr huôv jông cênhz cưv, hâur têx shông đhâu, lực lượng An ninh Công an Sơn La puôr lênhx moz siaz fuô lês jông têx hâux lưv, por hưv njias to chính trị, cxơưz paz huôv tsar nhiax txiax - xã hội ntơưv tỉnh. Txix shông 2000 txos nhiv no, lực lượng An ninh tưz cxênhz pov thiaz tik cêr cxâuv 29 txuz plâuz, 72 lênhx nênhs cxâuv, chox car lês yênhx côngz 12 chuyên án, cxov 5 lênhx nênhs cxâuv. Yax hlo, thơưx jâus, Phòng An ninh siz khov đros Tổng cục An ninh Bộ Công an Việt Nam thiaz Bộ Công an têz qơưk Lok Tsuôk tưz lês yênhx côngz Chuyên án P915. Lực lượng An ninh lês jông côngz xưv tir tar hâux lưv têx nênhs tsik jông fuô kria cxiv tsa têz qơưk yiaz; por hưv tâu jông pak đêx tênhz điện Sơn La. Cêr siz tưr “Hur si pêx xênhv por hưv têz qơưk” tâu fuô lês đros trâu 17.750 “Zis nênhs tưx saiz car” thiaz yênhx puô kror qơư siz khov por hưv njias to thax tsav. Tsưx truôx cêr siz khov đros Quân đội, Biên phòng thiaz kriz đar cêr siz khov đros Công an têx tỉnh Kâuv têz qơưk Lok Tsuôk.

Muôx luk jias no, đồng chí Nguyễn Đình Việt, Chủ tịch UBPX tỉnh tưz kruôk txos têx zav lực lượng An ninh Công an Sơn La tưz lês tâu hâur ntu đhâu, đros ntơư uô tsâus txos hur si cxuô fâuv thơưx car, cán bộ, chiến sĩ lực lượng An ninh Công an Sơn La đhâu cxuô ntu.

Txix li tsov xav hâur ntiax têz, thax tsav thiaz têz qơưk muôx ntâu zav txơưr txar hâur ntu zuôr txos, đồng chí Chủ tịch UBPX tỉnh cxiz cov Công an tỉnh thiaz lực lượng An ninh Công an Sơn La moz siaz saz lax đơưk têx cêr phiv liv cias ntơưv thax tsav, tsik chia muôx yưv têx hâux lưv cuz nxor lok sâuv por hưv njias to thax tsav. Fuô lês cxix cxuô têx tsưr ziv chia lês nuv, moz siaz hlôngr uô ntâuz ntơưr têz qơưl, sir jos hlôngr pâur số; phax tar têx nênhs cxâuv, por hưv cêr nhaz xênhz fiv huv hâux lưv hâur ntu nênhx yiaz. Nhav, cxênhz têx hâux lưv cik txos hâux lưv por hưv njias to têz qơưk trơưk đraiv cêr chai.

Ndax jias no, Chủ tịch UBPX tỉnh muôz ntơưr kruôk trâu 14 tus khênhx; Chủ tịch UBPX tỉnh Hủa Phăn, têz qơưk Lok Tsuôk muôz ntơưr kruôk trâu 7 paz pơưs, 5 tus khênhx; Giám đốc Công an tỉnh Hủa Phăn muôz ntơưr kruôk trâu 14 paz pơưs, 10 tus khênhx; Giám đốc Công an tỉnh muôz ntơưr kruôk trâu 9 paz pơưs, 26 tus khênhx. Công an tỉnh puz 100 triệu nhiax chia paz têx cán bộ, chiến sĩ luz nênhx njiz cêr phiv liv; puz giải thưởng Jias tưr pâuz lok sâuv cênhz cưv 80 shông cxiv tsa thiaz huôv tsar ntơưv lượng An ninh pêx xênhv trâu têx tus khênhx tâu giải.