Xav nhiax lês Dự án JICA-GCF muôx 71,95 triệu USD, fuô lês hâur 6 shông hâur thax tsav 6 tỉnh li: Sơn La, Điện Biên, Lai Châu, Phú Thọ, Lào Cai thiaz Tuyên Quang. Ntơưv jâus uô hâux lưv, hlôngr njêx muôs saz JICA tưz kria têx hâux lưv zov chinhr ntơưv dự án: Cxuô zav ntơưv dự án thiaz hâur ntu bax lol sâuv njiaz lul lês hâux lưv, hnuz nhôngs lês, txâuk chai lês; siz chos saz lax txix li JICA thiaz UBPX têx tỉnh nhoz hâur dự án; qơư sơưr ntơư tus tsưr dự án; saiz car nhiax txiax ntơưv dự án; bax njiaz lul Ntâuz ntơưr dự án ntơưv yênhx tỉnh…Txix li têx ndâux lul saz lax thôngz iz trôngs lul đros têx tỉnh, mal JICA zuôr kriz cxiv tsa dự án tâu kriz trâu ntơưv Hà Nội trâu hli 5/2026.

Ntơưv jâus uô hâux lưv, tỉnh Sơn La tưz kria lol sâuv têx zav muôx txơưv chia huôv tsar uô kôngz lông thax tsav tỉnh. Txix ntơư, xav hur si têx har jôngr tâu njuôk xav ntu 2021-2030, xav txos shông 2050 mal yax 694 cxênhz ha, muôx: Har jôngr lâuk đros trâu đar yax 88,8 cxênhz ha; yax 333 cxênhz ha har jôngr nzôngr hâur đêx thiaz yax 272,8 ha har jôngr chos muôs ntông. Tỉnh Sơn La tưz cxiv tsa cêr tuôr xav huôv tsar har jôngr truôx njês, por hưv thiaz huôv tsar 5 thax tsav har jôngr lâuk, nzôngr hâur đêx; njuôk xav thax tsav tsưx tsês cxuô zav đros trâu huôv tsar nuôv zax har jôngr truôx njês, zos qơư ntơưv tỉnh…

Muôx lul ntơưv jâus uô hâux lưv, đồng chí Nguyễn Thành Công cxiz JICA đros tỉnh cxiv tsa thiaz uô tiar ntâuz ntơưr côngv trâu dự án fiv huv txâuk têx zav hâur dự án uô ntêx hli 12/2026. Thôngz iz trôngs lul tsa Ban saiz car, Ban chox car lês dự án cấp tỉnh; zok Sở Nông nghiệp thiaz Môi trường zos cơ quan thường trực ntơưv dự án, saz lax mênhx pêv hâur ntu cxiv tsa ntâuz ntơưr, kriz fuô lês trơưk li hnuz nhôngs cxiv tsa ntâuz ntơưr công trâu dự án. Đồng chí xar cov JICA tror paz tỉnh hâur ntu njuôk xav ar har jôngr trơưk li siz khov thax tsav thiaz har jôngr; sir zôngv công nghệ số saiz car, cxênhz têx zav nhoz hâur har jôngr, nzor pov har jôngr cuz hnhiaz, har jôngr piav thiaz paz trâu côngz xưv chox car, saiz car…