Hâur jias saz lax muôx cêr thôngx siaz siz trâus jông txơưr hlo Việt Nam - Lok Tsuôk, thơưx car oz tỉnh tưz fuô kria cov pâuz cêr huôv tsar nhiax txiax - xã hội, tsưx hưv têz qơưk, njias to, côngz xưv cxiv kho Đảng thiaz ndêx ntus chính trị nhiak luz tỉnh. Đros ntơư, cxênhz txos nuv fuô lês têx njiaz luk siz khov hâur ntu đhâu.

Têx shông lok no, cêr siz khov ntơưv Sơn La thiaz U Đôm Xay zênhx tâu lês trơưr thiaz huôv nzir ntâu zav. Oz tos tsik so siz nus têx kiz; côngv fuô lês muôx liv têx cxiax cxênhv siz khov txos choz kria ntơưr, kria tsưr ziv uô hâux lưv, njuôk kho moz, txux chi, thể thao, kôngz lông thiaz cxơưz paz cêr luôv. Ntâu tus tuz cơưv, sinh viên ntơưv tỉnh U Đôm Xay tưz tâu cơưv trâu ntơưv tỉnh Sơn La, paz muôx nzir cêr thôngx siaz, siz trâus jông oz luz tỉnh.

Ndax jâus no, thơưx car oz tỉnh tưz ký ntơưr chos lul siz khov ntu 2026 - 2029 đros ntâu njiaz luk tsênhv chênhz cxuô faz: Chính trị - luôs oz chas têz; tsưx hưv têz qơưk - njias to; nhiax txiax; txux chi - xã hội; choz kria ntơưr thiaz huôv tsar nênhs cơưv ntơưr; têx cêr nthuôr txux chi, pêx xênhv têz qơưk muôx cêr siz khov… Ntơư zos kror tsênhv chênhz chia oz tỉnh tror fuô lês muôx liv têx njiaz luk siz khov hâur ntu zuôr txos, siz chos cxơưz cêr huôv tsar nhiax txiax - xã hội, cxơưz pêx xênhv ntu nênhx thiaz tsik tsês muôx cêr siz trâus jông cênhz cưv, thôngx siaz txơưr hlo oz Đảng, oz Têz qơưk thiaz pêx xênhv oz têz qơưk Việt Nam – Lok Tsuôk.

Fuô luk ntơưv jâus saz lax, đồng chí Hoàng Văn Nghiệm haik tiak: Cêr siz trâus lox hloz, thôngx siaz txơưr hlo thiaz siz khov tas nro Việt Nam - Lok Tsuôk zos cxơưz paz chính trị truôx khor chia têx tỉnh oz têz qơưk tsik tsês kriz đar siz khov. Txix têx nuv uô tâu, Sơn La tok nrư đros U Đôm Xay tror lês nzir têx zuk têx txơưv zênhx, muôx pênhr; cxơưz paz siz khov zênhv hnuz zênhv jông thiaz muôx liv, siz chos paz trâu cêr huôv tsar nhiax txiax - xã hội ntơưv yênhx tỉnh thiaz bôngs nzir cêr siz khov txơưr hlo ntơưv oz têz qơưk Việt Nam – Lok Tsuôk.

Đồng chí Bun Không - Lả Chiêm Phon tưz haik, tỉnh U Đôm Xay tưz saiz hloz thiaz tok nrư tror huôv tsar cêr siz khov đros tỉnh Sơn La. Đồng chí kruôk txos têx nuv uô siz khov ntơưv oz tỉnh hâur ntu đhâu, lar haik mak cêr paz ntơưv tỉnh Sơn La hâur cêr choz kria cơưv ntơưr, huôv tsar choz kria ntơưr, cxiv kho têx vax tsê jông thiaz kria tsưr ziv huôv tsar nhiax txiax - xã hội, siz chos bôngs nzir cêr thôngx siaz siz ndơưs ntơưv oz tỉnh.

Jâus siz shuôk, uô nuv thiaz siz khov ntơưv tỉnh Sơn La thiaz tỉnh U Đôm Xay tror haik tsênhz truôx siaz ntơưv oz tỉnh hâur cêr tsưx tsês, bôngs nzir thiaz huôv cxaz cêr siz trâus lox hloz, thôngx siaz txơưr hlo thiaz siz khov tas nro Việt Nam - Lok Tsuôk thâuv tưs cux truôx bo, cxuô tiav truôx njês.