Lês Cêr xav số 13-KH/BTGDVTW hnuz 13/2/2026 ntơưv Ban Tuyên giáo thiaz Dân vận Trung ương lok sâuv kriz Jâus tưr Báo cáo viên, Tuyên truyền viên coz têz qơư shông 2026, Ban Tuyên giáo thiaz Dân vận Tỉnh ủy tưz saz lax piar trâu Ban Thường vụ Tỉnh ủy tso tơưv têx cêr xav kriz jâus tưr; quyết định ntơưv Ban Thường vụ Tỉnh ủy lok sâuv cêr tsa tơưv Ban tổ chức, Ban Giám khảo, Tổ thư ký, Tổ paz nuv jâus tưr; cxiv tsa chai jâus tưr; tuôr xav trơưk tiêu chí tso điểm, cêr tso điểm thiaz bax têx zav khov muôx chia kriz lês jâus tưr.

Xav txos hnuz 25/5/2026, muôx 70/79 đảng ủy trực thuộc Tỉnh ủy kriz Jâus tưr Báo cáo viên, Tuyên truyền viên coz shông 2026, đros trâu 810 tus nênhs zos báo cáo viên, tuyên truyền viên cơ sở. Ban tổ chức jâus tưr lưv suôx câuv têx đảng uỷ tưz choz 61 zênhx tiv iz, 83 zênhx tiv oz, 132 zênhx tiv pêz, 250 zênhx cxơưz jos thiaz 56 zênhx chuyên đề. Muôx 76/79 đảng uỷ zos Tỉnh uỷ saiz car tưz xair tsov, txiz 78 tus nênhs tưr lưv sơ khảo. 

Jâus tưr Báo cáo viên, Tuyên truyền viên coz tỉnh Sơn La shông 2026 muôx 3 phênhv tưr: Cxiv tsa njiaz lul fuô; piar thiaz têz luk nus ntơưv Ban giám khảo. Njiaz luk fuô kria đros trâu mênhx pêv, kriz lês Nghị quyết Đại hội 14 ntơưv Đảng thiaz nghị quyết đại hội đảng bộ têx cấp ntu 2025 - 2030 thiaz haik tsênhz têx nuv uô ntơưv cơ quan, đơn vị, thax tsav.

Ntơưv jâus cơưv, têx đại biểu tưz muôx ndâux luk txos cêr chai tưr, cxiv tsa têx luk nus, têx nênhs tưr; cêr xav zênhx, ntơưr tso điểm; têx zav paz thiaz njiaz luk côngz xưv bax txơưr chia Jâus tưr kriz yênhx côngz jông gri.

Fuô luk jâus cơưv, đồng chí Phó Bí thư Tỉnh ủy cxiz cov têx thành viên Ban tổ chức jâus tưr sâu cxix cxuô têx ndâux luk paz cxơưz, tror cxênhz yuôx, uô tiar têx njiaz luk cik txos; ndo njôngr đros fuô lês jông têx hâux lưv tâu zok, bax cxuô tsar zav khov muôx chia Jâus tưr kriz yênhx côngz, tsênhz mênhx yênhx jâus cơưv sinh hoạt chính trị toz đar, siz chos yôngv siaz côngz xưv zôngv ndâux fuô luk hâur hur  si Đảng bộ tỉnh.