Trơưk Sở Choz kria piar mênhx, txos nhiv no, tỉnh Sơn La muôx 6/13 Yar cơưv tưz uô tiar iz ndis saz đrâuv tsênhv taz tov sir jos uô cov tiar; hâur ntơư 4 luz yar cơưv tiar txix 93 - 97% ntơưv têx xã: Yên Sơn, Mường Hung, Lóng Phiêng thiaz Mường Lèo. Đuô li têx yar cơưv tsênhv taz tov trâu siaz njo uô sai. Tas nro têx nhiax tâu cir uô 13 luz yar cơưv zuôr luôs 3.300 tỷ nhiax, nhiv no, tưz zok tas 64%. Ntơưv têx yar cơưv tsênhv taz tov uô, tsêr luôv gruô hu nênhs, nzir six hơưv uô cov sai car hnuz nhôngs. Têx yar cơưv uô kênhz taz tov nzir nênhs uô, li yar cơưv xã Phiêng Khoài, xã Phiêng Pằn, xã Lóng Sập...

Côngz xưv bax sir zôngv yar cơưv, UBPX tỉnh Sơn La tưz fuô quyết định cir thiaz zok nzir nhiax txix pênhr nhiax ntơưv tỉnh shông 2026 trâu têx xã lês cêr chai uô hâux lưv ntơưv têx yar cơưv nội trú liên cấp xã đriv têz; Sở Choz kria tror đros Sở Nội vụ, UBPX cxuô xã đriv têz cxênhz tas nro têx shâuv xênhz, cưk kria, nênhs uô hâux lưv trơưk đraiv chai chia xair shâuv xênhz nhoz nội trú, bán trú thiaz têx hâux lưv kriz shông cơưv yiaz.

Côngz xưv bax trâu hnuz kriz shông cơưv yiaz, tỉnh xav zuôr txênhv 3 luz Yar cơưv Nội trú liên cấp Tiểu học - THCS têx xã Mường Hung, Yên Sơn, Lóng Phiêng hâur thơưx jâus trâu hnuz 22/8/2026. Đuô têx Yar cơưv mak txênhv trâu hnuz kriz shông cơưv yiaz (xiaz 5/9). Txos nhiv no, Sở Choz kria tưz bax cxix cxuô tsar zav chia txênhv tsêr.

Ntơưv jias cơưv, Đồng chí Nguyễn Đình Việt cxiz cxuô sở, ngành, cxuô qơư tror trâu siaz njo uô cov tiar cxuô zav tsênhv yuôr, tsênhr cov jông, trơưk kỹ thuật, por hưv tâu cêr nyiaz hur thiaz nhaz xênhz lus uô ntêx thâuv zok lok zôngv. Côngz xưv bax txênhv tsêr zuôr tsuv tâu uô jông bax nzơưk, muôx txiax njis, tsik tuôr xuôv; fuô mênhx txiax njis cêr chai uô Yar cơưv nội trú liên cấp ntơưv têx xã đriv têz; kruôk zênhx max têx paz pơưs, tus khênhx uô ntêx nyuôs lês hâux lưv jông hâur ntu lês dự án.