Tov kaz iz shông lês hâux lưv, txix li muôz Báo Sơn La thiaz Xor tôngx chuô - xa đuôz Sơn La lok uô cê, Báo thiaz Xor tôngx chuô xa đuôz Sơn La tưz iz thênhv jux juk tâu cxiv tsa, hlôngr yiaz tsưr ziv lês hâux lưv, chuôz jos zov chênhr chia huôv tsar cơ quan fuô xor mông lês tâu hâux lưv jông. Tsưr ziv sâu xor mông tâu cux tâu hlôngr yiaz txix li ntâu faz tsưr ziv, fiv huv trâu cxuô lênhx nênhs saiz thiaz mnôngs.

Txix li têx zav zov chênhr chia huôv tsar báo chí hâur ntu hlôngr pâur số, Ban Giám đốc Báo thiaz Xor tôngx chuô, xa đuôz Sơn La tưz chox car hâux lưv cxiv tsa côngz bê SNEWS chia thôngx iz trôngs luk têx đuôz fuô kria thiaz cxaz nzir pênhr xưv trâu cơ quan fuô mông zov chênhr ntơưv tỉnh.

Muôx luk jias no, đồng chí Nguyễn Trường Chinh, Giám đốc Báo thiaz Xor tôngx chuô, xa đuôz Sơn La haik tiak, hâux lưv tsa tơưv côngz bê SNEWS zos piz lês iz zav hâux lưv zov chênhr yiaz ntơưv Báo thiaz Xor tôngx chuô, xa đuôz Sơn La hâur ntu hlôngr yiaz, đros oz chas têz siz khov thiaz huôv tsar; đros ntơư zos qơư chuôz jos zov chênhr chia cxiv tsa qơư fuô xor mông lês tâu hâux lưv hâur ntu hlôngr pâur số. Báo thiaz Xor tôngx chuô, xa đuôz Sơn La sir jos cov yênhx cơ quan fuô mông zov chênhr hâur ntu hlôngr pâur số, zos qơư lês tâu nuv jông ntơưv thax tsav Tây Bắc thiaz zos thax qơư fuô kria têx xor mông jông ntơưv Sơn La txos trâu pêx xênhv hur si têz qơưk.

Hâur jias no, têx đại biểu tưz lês hâux lưv kriz sir zôngv côngz bê SNEWS. Txix hnuz xiaz 1/7/2026, SNEWS yênhx côngz bê ntơưv Báo thiaz Xor tôngx chuô, xa đuôz Sơn La hâur hur si têx yôngx fuô xor mông thiaz sâuv mạng.

Têx đồng chí thơưx car thiaz têx cán bộ, viên chức, nênhs uô hâux lưv Báo thiaz Xor tôngx chuô, xa đuôz Sơn La tưz siz chos côngv jias piz sir zôngv côngz bê SNEWS .

Đros trâu njiaz luk “SNEWS - Muôx cêr siz khov - Paz trâu thax tsav Tây Bắc nto mông”, ntơư tsik tsik zos paz cxiv tsa tâu têx zav hlôngr yiaz ntơưv Báo thiaz Xor tôngx chuô, xa đuôz Sơn La xưz, mak tsênhv kria pâuz mênhx hâux lưv cxiv tsa cơ quan fuô mông ntơưv thax tsav lês tâu hâux lưv jông, paz max lês tâu jông hâux lưv chính trị ntơưv tỉnh thiaz fiv huv trâu têx nênhs môngs thiaz saiz siaz nhiav.