Ntơưv jias nthuôr cêr lov jêv, têx đại biểu thiaz tsôngv hluôk tưz siz chos yaz đuô cênhz cưv Đoàn TNCS Hồ Chí Minh. Hnuz 26/3/1931 tưz yênhx hnuz muôx txiax njis trâu tsôngv hluôk Việt Nam, tsa yênhx tổ chức Đoàn TNCS Hồ Chí Minh. 95 shông đhâu, Đoàn TNCS Hồ Chí Minh thâuv tưs cux uô ntêx nyuôk lês hâux lưv têz qơưk, tâu Đảng njênhs, tsik shênhx cêr txov nhêv, tưx zênhv lês hâux lưv, nthuôr tas phaz nzưr, pênhr xưv, siz chos cxiv tsa thiaz por hưv Têz qơưk.

Têx shông đhâu, tsôngv hluôk tuz lênhv đriv têz tưz lês tâu ntâu luôs hâux lưv paz pêx xênhv đhâu cxuô cêr siz tưr, lês têx hâux lưv siaz đơưz. Ntơư, zos têx hâux lưv: “Paz shâuv xênhz cov tâu muk cơưv ntơưr”, “Tu mê nhuôv puôs đriv têz”…; hâur têx hâux lưv huôv tsar nhiax txiax, tsôngv hluôk cxuô đơn vị cơ sở tưz kria pêx xênhv hlôngr nôngz kôngz yiaz chos nôngz tsiax cxu zus, txo cêr pluôs truôx njês; siz chos phax tar nênhs cxâuv, uô siaz truôx bo tir tar têx nênhs uô luôv zênhz, têx nênhs nhias uô luôv zuôv chai, tsưx hưv truôx đriv têz qơưk.

Hâur jias nthuôr cêr lov jêv saiz hloz, Ban Chỉ huy Tuz lênhv đriv têz tỉnh tưz siz chos tưr têx môn thể thao trơưk cênhz cưv, chia têx cán bộ, chiến sĩ hâur đơn vị thôngx siaz, lês tiar hâux lưv tâu zok.