Muk txos yar tiax lox 8/5 hâur têx hnuz no, pêx xênhv thiaz kruô nuôv zax cxuô qơư tâu côngv cxix cxuô tsar txux chi Sơn La - Tây Bắc. 13 đơn vị zos têx xã, phường: Mộc Châu, Mộc Sơn, Vân Sơn, Thảo Nguyên, Tân Yên, Đoàn Kết, Chiềng Sơn, Vân Hồ đros têx txux chi iz txưv pêx xênhv muôx txơưv têx qơư nuôv zax, li: Quỳnh Nhai, Ngọc Chiến, Mường Chanh, Tà Xùa, Bình Thuận... tưz chox zuk trôngx têz têx txux chi jông muk nthuôr trâu sơưr đơưk saiz.

Zôngv phaz nzưr thiaz pênhr xưv cêr txơưx njê, cxuô kror qơư tưz tsa yênhx têx qar tsêr txux chi jông gâux trơưk nhiak thax tsav, uô trâu sơưr đơưv tror pov iz tsar txux chi jông ntơưv yênhx hair nênhs lok sâuv vax tsê, tsôngk yo, cêr uô nênhx, nox nhoz, têx kar hno, nthuôr txux chi, hâux lưv iz txưv zôngv têk uô tơưv trơưk cênhz cưv thiaz chox têx kôngz lông jông muk piar muôs… Iz zav jông lơưv iz tsar puôr lênhx gra muk nthuôr trâu ntơưv qar tsêr txux chi, ntơư zos têx jav pêv thav txos têx zav pêx xênhv iz txơưv zôngv đhâu lok, tâu cxuô qơư uô jông khơưk tsês chox tuôx txos qar tsêr txux chi yênhx tsar txux chi ntơưv yênhx hair nênhs, têx kruô lênhx tưs cux xar ndis saiz.

Zơưs Đỗ Trí Dũng, Phó Chủ tịch UBPX phường Mộc Châu, haik: Jias no, chox têx txux chi Xinh Mun tuôx nthuôr ntơưv qar tsêr txux chi. Kror pêz tuôr xav tsik zos tâu kruôk jias tưr no, mak tsênhv chênhz yax zos đhâu no, paz pêx xênhv, lar haik mak fâuv hluôk pâuz txos zuk chax chês, huôv tsar nuôv zax jêx jok, cov pêx xênhv phường muôx hâux lưv uô, sâu nju nhiax txiax cxơưz cxiv luz nênhx. 

Muk đêz yax 200 caik cêr, xã Ngọc Chiến chox têx txux chi Hmôngz muk nthuôr ntơưv qar tsêr txux chi. Chia piar kria têx zav muôx txơưv tsuôk muôx nhoz tox siaz huôv tsar nuôv zax “trôngx têz jông chuôs đaz nênhs”.  Zơưs Lò Văn Thoa, Phó Chủ tịch UBPX xã Ngọc Chiến, haik: Tuần Txux chi Nuôv zax Mộc Châu 2026 zos iz jias lok six muôx txiax njis chia piar kria têx txux cho cxuô tsar zav huôv tsar nuôv zax txos trâu têx kruô hâur têz qơưk thiaz oz chas têz qơưk. Ntơưv no, chia siaz njôngr pêx xênhv thiaz kruô nuôv zax zuôr tâu côngv têx txux chi, pâuz mênhx đuô tiz nênhs nhoz Ngọc Chiến. 

Chia cov nthuôr đuô têx txux chi jông cxuô hair nênhs kror tsênhv chênhz yax zos muôx têx cưk txux. Lơưr zos têx nênhs “thôngz txux chi, kria bax” cê zos têx nênhs nthuôr txux chi, piar kria têx txux chi jông trâu kruô nuôv zax. Zơưs Lò Văn Lang, cưk puôz huz xã Mường Chanh, shir phaz luk thav kria haik tiak: Thâuv zuk hair nênhs têx txux chi tâu saiz hloz, zênhv hnuz zenhv muôx chôngz kruô cxuô qơư pâuz txos. Chia siaz njôngr zuôr muôx ntâu fâuv hluôk nhiak txux chi chia kria trâu têx xênhz lênhx xênhz nzưr đros tsưx hưv têx txux chi jông.

Hâur chaix ntux lax no ntơưv lax trôngz Mộc Châu, chuôs têx kruô hax zav nhiav ndis têx qar tsêr txux chi đuô. Tsôngv pêx xênhv shir phaz, nhiav kruô đros trâu têx zav uôk kruô tuôx ndis pov hax zav nziv kruô siaz xar tror tuôx đuô lưv jâus nzir. Niav lâuk Nguyễn Thị Ái, kruô nhoz thành phố Đà Nẵng, tuôx ndis nuôv zax lok six shir phaz, haik tiak: Thâuv pov cxuô tsar zav ntơưv no tâu têx xã, phường uô tưz jông bax cxix cxuô txâuk siaz hênhr. Têx qar tsêr txux chi tsik zos jông gâux xưz, mak cxuô zav puôr lênhx zos têx zav muôx tsênhv. Tâu ndis saiz pov cias ntơưv kror muôs têx cưk txux tơưv pax ntâuz lâus, tâu nox cias têx hax huv zos kar hno OCOP kaz, tsư ha, tâu côngv tuôr têk sênhr chêr, đhia grax shôngz, saiz cho tsưz sênhr chê, yuôz kênhx.... Pov txux chi Sơn La lok six jông.  

Tsêr txux chi cxuô hair nênhs zos kror lok six tsênhv chênhz, muôx cxix cxuô tsar txux chi jông. Ntơư, tsik zos têx txux chi iz txưv thâuv ntêx tâu tsưx hưv tsês txos nhiv no xưz, mak tsênhv zos têx txux chi cênhz cưv jông tâu tsưx hưv thiaz nthuôr huôv chia huôv tsar nuôv zax hâur ntu têz qơưk hlôngr yiaz, cê zos qơư chuôz jos zov chênhr ntơưv Tuần Txux chi – Nuôv zax Mộc Châu 2026. Ndis txos têx qar tsêr txux chi no, têx kruô zuôr pâuz nzir têx txux chi muôx txơưv ntơưv no đuô, tâu nox têx kar hno kaz, zuôr têx hax huv thiaz côngv ntâu txux chi tox siaz. Yênhx tsar txux chi đros trâu pêx xênhv shir phaz nhiav kruô têx kruô tưz ndo njôngr Mộc Châu – Sơn La.