Lóng Sập zos xã đriv têz nhoz đêz đrôngs huyện Mộc Châu 30 caik cêr, muôx trôngx lôngs têz Qơưk muk trâu têz qơưk Lok Tsuôk. Tưz ntêr lok, ntơưv trôngx lôngs Lóng Sập tưz yênhx iz kror qơư muôs thiaz zuôr hax huv hâur tsôngv pêx xênhv cxuô hair nênhs 2 saz đriv têz qơưk, lar haik yax mak pêx xênhv 2 huyện Mộc Châu thiaz huyện Sốp Bâu, tỉnh Hủa Phăn, têz qơưk Lok Tsuôk. Thâuv sơưr nzor hnuz xiaz 2/9, tưz muôx yênhx cxênhz lênhx pêx xênhv thiaz kruô nuôv zax cxuô qơư tưz tuôx chôngz trâu ntơưv xã Lóng Sập côngv têx txux chi jông uô lov jêv.

Hâur yênhx paz nênhs chôngz lov jêv ntưk, muôx têx tuz, nxaik Hmôngz, lênhx tưs cux hnar tsôngk yo pax ntâuz uô jav sênhr tuôx car ciaz, muk ndis ciaz, nriar zuôr zav huv thiaz nox têx kar hno, cxais zênhx zav chia saiz đaz muôs.

Niav lâuk Juôs X Thox, jok Phiêng Cài, xã Lóng Sập haik: Hnuz no, lênhx tưs cux xair trâu zuk iz chêr tsôngk yo tiaz jông yax hnar muk car ciaz, uô si. Uô tsâus Đảng, Têz qơưk thâuv tưs cux moz siaz txos tsôngv pêx xênhv cov uô nênhx zênhv hnuz zênhv tâu jông muôx nox tsâu, hnar sor.

Muk txos Lóng Sập hnuz no, kruô tâu côngv ntâu txux xchi, thể thao lok six lov jêv, li: Truz hluô njuôk jos, siz tưr tuôr nduôr blêx blâuv, ntâuk tux luz, por poz; muôx ntâu jax cưr cxiax sênhr chêr, trax zos txux chi Hmôngz, Puôz Ziz, Puôz Thơưx ntơưv têx jêx jok hâur xã Lóng Sập. Lar haik yax mak, sênhr chêr la vông, hax zav lov jêv; zos cêr thôngx siaz ntơưv oz hair nênhs, saiz hloz hnuz tsa tâu têz qơưk Việt Nam.

Tix lâus Phouvong PhetSaVong, Cán bộ Đriv têz huyện Sốp Bâu, tỉnh Hủa Phăn, têz qơưk Lok Tsuôk, haik: Hnuz xiaz 2/9 ntơưv têz qơưk Việt Nam lok six lov jêv. Tâu côngv ntâu txux chi saiz hloz hnuz Tsa tâu têz qơưk ntơưv tsôngv fôngx zưs luz têz qơưk cur cux lok six jông siaz. Cxuô cêr lov jêv siz chos nthuôr txux chi li no zuôr bôngs nzir cêr thôngx siaz oz hair nênhs, oz luz têz qơưk Việt Nam – Lok Tsuôk.

Cxuô zav cêr lax luôv cux muôs lov jêv ntưk, ntâu zav hax huv tâu nthuôr muôs trâu pêx xênhv. Cêr lax luôv cxơưz trâu nhiax txiax thax tsav đriv têz huôv tsar. Đros ntơư, ho muôx txux chi oz luz têz qơưk Việt Nam – Lok Tsuôk hax zav cxix cxuô tok tâu chôngz kruô tuôx côngv cêr lov jêv tok Tsiaz tsa Têz Qơưk.

Niav lâuk Nguyễn Phương Anh, kruô nuôv zax nhoz Thành phố Hà Nội tuôx, haik: Tok Tsiaz Tsa tâu têz qơưk ntơưv đriv têz lok six lov jêv, tâu côngv ntâu txux chi, nox pêx xênhv đriv têz têx kar hno kaz; pêx xênhv nhiav kruô, tsênhv xar tror tuôx đuô trâu thax qơư no thiaz. 

Tuần txux chi nuôv zax Mộc Châu tưz tso yar nthuôr ntâu cêr lov jêv ntơưv trôngx lôngs đriv têz Lóng Sập tsik zos kror qơư tsôngv pêx xênhv muôs thiaz zuôr hax huv xưz, tsênhv zos iz kror qơư chia pêx xênhv nhoz oz saz đriv têz tuôx siz njiz, siz chos nthuôr têx txux chi jông cxuô hair nênhs nhoz thax tsav đriv têz, bôngs cêr thôngx siaz siz khov Việt Nam – Lok Tsuôk zênhv hnuz zênhv truôx khor.

Đồng chí Lê Trọng Bình, Chủ tịch UBPX huyện Mộc Châu, haik: Têx txux chi, ciaz ntơưv đriv têz thax tsav Lóng Sập tưz tso yar trâu pêx xênhv đriv têz muôx cêr lov jêv. Lar haik yax mak, muôx têx fôngx zưs Lok Tsuôk tưz cxơưz cêr thôngx siaz ntơưv tsôngv pêx xênhv huyện Mộc Châu thiaz huyện Sốp Bâu, txix ntơư siz chos lês jông phênhv shuôv tsưx hưv cêr nhaz xênhz đriv têz qơưk.

Tok Tsiaz tsa têz qơưk đriv têz Lóng Sập pov njôngr tâu cêr thôngx siaz côngv cêr lov jêv, shir phaz lus, nhiav têz nhiav qơư hâur tsôngv pêx xênhv nhoz đriv têz. Đhâu têx cêr lov jêv no zuôr cxơưz đas jos trâu tsôngv pêx xênhv cuz siaz siz tưr uô nox uô hâuk, tsưx hưv têx txux chi, siz chos por hưv đriv Têz qơưk.