Cơưv ntok ntâuz pas thâuv tsênhv zâu, pos Lò Thị Khướng, tiểu khu Búc, tưz muôx yax 40 shông uô ntâuz pas. Uô trâu vax tsê sir zôngv, tov kaz, pos Khướng tưz huôv tsar yênhx ntâuz hax huv, uô trơưk cênhz cưv ntâuz pas txaix. Iz chas tưx uô, pos tsênhv zuôr têx vir ndâuk hâur xã thiaz uô tơưv têx huv, li: Siak puô trôngx, pav, hâur ndông, pav puô lox... muôs trâu kruô hâur zuk thiaz luôs tỉnh.

Tổ hợp tác Uô xor pax cênhz cưv jok Khảo, xã Tường Hạ, nhiv no taz tov muôx nuv uô trâu yax 30 tus nênhs zuk thax tsav, đros têx huv txaix, li: Yo, hnaz trik, fuôv, hâur nhông, tos jâus... Nhuôv kruôr no, têx thành viên Tổ hợp tác tâu choz kria cơưv hlôngr số txix têx zâu dự án IDAP (Dự án côngv choz, kria, hlôngr số, yôngv siaz tsưr ziv thiaz chuôs cêr pâur muôs trâu pox niav hair nênhs tsơưs) zos Dự án GREAT 2, zos Chính phủ Australia paz. Tov kaz cơưv nzir, têx  thành viên tưz pâuz cxiv tsa fanpage, xav gri huv, sir zôngv tsưr ziv tiz nênhs xav tơưv chia sâu jax yâu mông thiaz txuôk chuôs kruô đhâu tsưs số paz kriz đar cêr muôs, tsar têx lêx muôs huv.

Txix li xav txuôs tsês thiaz uô nzir saz ntâuz pas cênhz cưv, têx thax tsav sir jos fuô kria, zaz zâuv pêx xênhv trâu siaz tsưx tsês cêr ntok ntâuz cênhz cưv. Đros ntơư, saiz cxuô ziv nênhs uô ntâuz pas tsuv kria lês, kriz cêr tok kruô ndis saiz, uô siv, đros pêx xênhv uô, tâu huv saiz đaz muôs jông, trâus muôs saiz. Txix têx pênhr ntơưv têx cxiax cxênhv, dự án, ntâu thax tsav kriz kria têx paz xuôk têx uô zos têx nênhs txơưx thiaz muôx tsưr ziv đros kria; kriz tênhz tso, kria, yâu mông têx huv ntâuz pas txaix ntơưv têx cxênhx xưv txux chi ntơưv thax tsav, paz chuôs tâu kruô khov zuôr.

Tsưx tsês cêr uô ntâuz pas cênhz cưv, têx thax tsav tror tuôr xav têx jok, tiểu khu, kriz đar thiaz huôv tsar ntâu zav huv têk uô jông, sir jos yâu mông, gruô hu kruô nuôv zax tuôx ndis saiz, zuôr, cov tâu nhiax, muôx nuv uô, siz chos paz max trâu cêr huôv vav nhiax txiax, xã hội ntơưv thax tsav.