Ntơưv xã đriv têz Mường Lạn, suôz cưr cxiax luk Anh “Whats your name?” tưz uô trâu six hơưv cơưv ntơưv tsêr cơưv jêx jok Nà Khi, Yar cơưv Mầm non Hoa Phong Lan lov jêv đuô. Nhoz hâur lớp, shuv xênhz hair nênhs tsơưs taz tov shâuv haik luk oz chas têz. Đhâu jax cưr cxiax thiaz tâu uô si, shuv xênhz tưz cơưv tâu ndâux luk nus, kria pâuz zuk luz bê, haik tâu têx luk zôngx ziv.

Tsêr cơưv jêx jok Nà Khi muôx 66 shuv xênhz Hmôngz, hair nênhs Poz Thơưx, Poz Ziz...Shông cơưv no, zos shôngv tiv 2 têx shuv xênhz tâu cơưv thiaz haik luk Anh. Tâu kror uô jông kria pâuz ntơưv cưk kria saiz car, têx shuv xênhz tưz pâuz luk cưr cxiax, thav têx luk zôngx ziv, max mav cơưv iz hov luk yiaz. Cưk kria Lò Thị Vấn, kria luk Anh, thav pâuz: Ntơưv tsêr cơưv, yênhx tuần muôx 2 hnuz cơưv luk Anh. Têx cưk kria tưz sir zôngv ntâu tsưr ziv kria ntơưr đhâu têx jax cưr cxiax, têx cêr uô si thiaz kriz đuôz chia shuv xênhz zôngx ziv pâuz thiaz nhiav cơưv luk Anh.

Yar cơưv Mầm non Hoa Phong Lan, xã Mường Lạn muôx 925 shuv xênhz, 17 tsêr cơưv, tov kaz yax 1 shông kria luk Anh, têx shuv xênhz lok six nhiav cơưv, cưk kria thiaz shuv xênhz zênhv hnuz zênhv siz jê đuô. Cưk kria Nguyễn Thị Nụ, hiệu trưởng Yar cơưv, thav tiak: Yar cơưv xar tâu moz siaz cxưx nhiax uô đuô vax tsêr, lar haik muôx ntâu đuô têx cưk kria luk Anh kria ntơưr trâu shuv xênhz.

Ntơưv Yar cơưv Mầm non Hoa Mai, xã Mường É, hâux lưv kria luk Anh cux tâu fuô lês yax iz shông no. Yar cơưv muôx 5 tsêr cơưv jêx jok, 16 lớp, zuôr luôs 500 shuv xênhz, phênhv ntâu mak zos shuv xênhz Hmôngz. Yar cơưv cxiz cov cưk kria tsuv xav tơưv ntâu chuôz zênhx kria ntơưr trâu shuv xênhz zôngx ziv pâuz thiaz zôngx ziv cơưv.

Cưk kria Lò Thị Thư, saiz car môn Luk Anh, Yar cơưv mầm non Hoa Mai, xã Mường É, kria pâuz: Shuv xênhz ntơưv no phênhv ntâu zos hair nênhs tsơưs. Pêz tưz njiz ntâu cêr txov nhêv hâur kria luk Anh trâu shuv xênhz. Taz sik, cux tsênhv pov têx shuv xênhz nhiav, gruôs cơưv hâur yênhx tiết cơưv, pêz tưz muôx nzir đas jos, sir jos xair tsov têx tsưr ziv kria ntơưr yiaz chia paz trâu têx shuv xênhz zôngx ziv pâuz ntơưr đuô.

Txơưv piz cơưv môn cơưv yiaz, têx shuv xênhz tox siaz tưz lok six nhiav cơưv luk oz chas têz, tâu têx cưk kria uô jông kria pâuz đhâu tsưr ziv kria ntơưr muôx phaz nzưr. Shuv xênhz Quàng Bảo Ngọc, lớp mẫu giáo lox, Yar cơưv mầm non Hoa Mai, xã Mường É, thav: Cur nhiav yax mak zos jax cưr cxiax luk Anh. Cur tưz pâuz đros cưk kria thiaz têx fông zưs haik tâu tus nhoz jông ok luk Anh lok six shir phaz cơưs.

Txix shông 2024, muôx 150/227 yar cơưv mầm non hâur thax tsav tỉnh fuô lês “Tsưr ziv saiz car hlôngr yiaz kriz cơưv luk Anh hâur têx yar cơưv mầm non”. Ntâu yar cơưv njiz cêr txov nhêv li Bắc Yên, Quỳnh Nhai, Sông Mã... tưz kriz têx lớp cơưv luk Anh trâu têx mê nhuôv muôx txix 3-5 shông. Ngành choz kria ntơưr sir jos tsar cov tâu 9,3% tus shuv xênhz mầm non tâu cơưv luk Anh txix shông cơưv 2021-2022, ndê zuôr luôs 40% hâur shông cơưv 2025-2026. Sở Choz kria ntơưr Sơn La tưz tso tơưv Bộ tiêu chí cxênhz yuôx saiz car hâux lưv kria luk Anh mầm non, paz têx yar cơưv cxênhz đuô, hlôngr yiaz tsưr ziv saiz car thiaz cxênhz yuôx hâux lưv choz kria ntơưr.

Tsưr ziv yiaz đros têx hâux lưv uô muôx phaz nzưr taz tov chia siaz paz shuv xênhz tox siaz ntơưv tỉnh tâu pâuz luk Anh, paz lês tiar cêr chai cxiv tsa luk Anh yênhx luk tiv 2 hâur yar cơưv ntu 2025-2035.