Fuô lês Đề án Cxiv tsa xã hội cơưv ntơưr ntu 2021 - 2030 (Đề án 1373), tỉnh Sơn La tưz tsa tơưv Ban Chox car; cxiv tsa cêr xav fuô lês hâux lưv “Cxiv tsa xã hội cơưv ntơưr 2021 - 2030”.

Txos nhiv no, gruô hu mê nhuôv 5 shông muk cơưv tâu 99,96%; têx mê nhuôv 6 shông cơưv lớp 1 tâu 99,94%; mê nhuôv 11 shông cơưv tiar cxiax cxênhv thênhv tsiz tâu 93,48%; 100% tus tuz cơưv cơưv tiar cxiax cxênhv thênhv tsiz muk cơưv thênhv 6; têx tuz cơưv muôx 15 - 18 shông cơưv tiar THCS tâu 90,3%.

Shông cơưv 2024 - 2025, tas nro tỉnh kriz yiaz 45 lớp kria hâur pâuk ntơưr, đros 1.567 lênhx cơưv. Têx nênhs muôx shông 15-25 shông, 15-35 shông, 15-60 shông pâuz ntơưr hov 2 tâu 99,1%; 98,9% thiaz 96%. Tỉnh Sơn La lês trơưk chai kria tâu hâur pâuk ntơưr jông hov 2. 

Đhâu cxênhz yuôx, saiz, hur si tỉnh muôx yar 344.200 “Tus nênhs cơưv ntơưr”, tâu  37,87%; 81,56% chor ziv nênhs tâu côngk nhav côngz "Ziv nênhs cơưv ntơưr"; 74% chor xênhv nênhs tâu côngk nhav côngz "Xênhv nênhs cơưv ntơưr" thiaz 97,9% đơn vị tâu côngk nhav côngz "Đơn vị cơưv ntơưr"; 97/204 “Tsôngv nênhs cơưv ntơưr", 31/32 “Đơn vị cưv ntơưr’’ kiz tỉnh xair hov jông.

Txix li fuô kria ntơưv Ban Chox car cxiv tsa xã hội cơưv shâuv tỉnh, Paz njuôk saiz cxiz cov uô mênhx têx njiaz luk lok sâuv: Côngz xưv chox car, lês, đros côngv ngành ntơưv Sở Choz kria ntơưr thiaz têx ban, ngành, đoàn thể hâur cêr fuô lês têx cêr xav ntơưv Đề án 1373; uô mênhx đuô lok sâuv cêr fuô lês têx qơư cơưv ntơưr; cêr phaiz thiaz sir zôngv nhiax txix nhiax têz qơư thiaz têx nhiax xã hội paz trâu côngz xưv cxiv tsa têx hội cơưv ntơưr; têx cêr uô nuv thiaz siz txuôk ntơưv têx Trung tâm choz kria tsik so, tsêr trâu ntơưr, tsêr txux chi paz cêr khov cơưv ntơưr ntơưv tsôngv pêx xênhv; cêr sir zôngv chuôz zênhx fuô mông, hlôngr pâur số hâur cêr cxơưv muôx choz kria kriz đar thiaz kriz lês têx cêr cơưv ntơưr pov njôngr hâur xor tôngx ti vi trâu pêx xênhv…

Paz njuôk saiz lok sik kruôk txos côngz xưv bax ntơưv Sở Choz kria ntơưr (Cơ quan jor car Ban Chox car cxiv tsa xã hội cơưv ntơưr tỉnh) hâur cêr cxiv tsa tơưv luk fuô njuôk saiz. Paz nênhs zuôr sâu têx ndâux luk, sâu hur si têx cêr khov piar trâu Hội đồng têz qơư choz kria ntơưr thiaz huôv tsar tiz nênhs saz lax trâu Chính phủ, Bộ Choz kria ntơưr, kho lês chai nhiax txiax, uô tiar cêr chai saiz car thiaz taix khov têx tsưr ziv tav siv tâu yax chia cxơưz paz cxiv tsa xã hội cơưv ntơưr muôx liv truôx njês trâu ntu nênhx yiaz.