Yax 100 vận động viên tuôx ntơưv têx jok thax tsav đros tưr ntơưv têx njiaz luk: Truz hluô, lôngx hnaz đhia, cưr đêx lok jok.

Phênhv đhia hnaz muôx 8 paz lês, iz paz muôx 2 vận động viên, tưr trơưk yênhx lưv hâur txox cêr tuôr xav, taix khov txơưx, đrơưv thiaz siz côngv siz luôs, uô trâu pov cêr cax siaz, gruôv pliak.

Phênhv tưr truz hluô lov jêv ntưk, muôx têx nênhs saiz cxơưz jos tas siaz. Iz paz muôx 8 vận động viên, tưr trơưk zav sưz tsik trơưk lưv, xair têx paz zênhx hlo tưr jâus zuôr suôx câuv thiaz suôx câuv. Têx paz tưr pov njôngr muôx cêr côngv siaz, truôx siaz thiaz uô tơưv têx jâus tưr jông saiz tas jos.

Lar haik, phênhv tưr cưr đêx lok jok, muôx 8 paz tuôx ntơưv têx jok: Jok Cha, jok Thon, jok Nà Pục, jok Khảo, jok Tân Đà, jok Đồng La, jok Thín, jok Suối Tre. Iz paz muôx 5 thành viên pox niav, hnar tsôngk cênhz cưv zuk zav nênhs, pov njôngr txơưx, muôs nthak thâuv cưr đêx sâuv ntu cêr 10 m, hla đhâu têx zav tuôr thênhv thiaz hlir đêx trâu huz trơưk chai.

Đhâu têx hâux lưv siz njiz uô thể thao ntơưv hnuz gruôv pax tưz paz cônv cxơưz cêr siz tưr uô thể dục thể thao tsôngv nênhs, tsưx tsês thiaz huôv nzir têx cêr uô si pêx xênhv tus trơưk cênhz cưv; đros ntơư muôx qơư siz nthuôr txux chi, tsik tsês cêr siz khov, bôngs nzir cêr thôngx siaz ntơưv cxuô zav nênhs cưr tix zuk thax tsav.