Uô ntêx zuôr kriz Jâus tưr “Fơư tưv jông gâux”, Ban kriz lês tưz kriz jâus hu plis tưv-pov njôngr txux chi ntơưv saz uô blêx liax, muôx txux nênhs Poz Ziz nhoz Ngọc Chiến, chia uô tsâus ndo tưv yar ntux tsik so đros lês pêx xênhv uô kôngz, car lês têx hâux lưv hnhar, paz pêx xênhv uô tâu kôngz txâuk nox tsâu, sâu nju.

Ntơưv yar tiax Mường Chiến, lov jêv ntưk, kruô nuôv zax thiaz pêx xênhv tuôx txos ntơưv no kaz siaz lus saiz “Fơư tưv jông gâux”. Tuôx tưr shông no, muôx  15 tus tưv ntơưv 15 luz jok tưz tâu xair tsov, puôr lênhx tâu tu saiz cxix cxuô.

Cêr xav tso điểm zos luz chêr, ntêr, siaz, hâur siaz nthuôr, cuz ntêr, têk tơư khor kho. Tus tưv chêr jông gâux yax zuôr tâu côngz “Fơư tưv jông gâux”.

Đhâu xair tsov, tus “Fơư tưv jông gâux” tưz nhoz trâu jok Lọng Cang. “Fơư tưv jông gâux”shông 2024 muôx mênhv ntêr 2m75, siaz 1m52, hâur siaz đar 2m33.

Trơưk cxênhz ntơưv Ban kriz lês, txơưv jâus tưr shông no têx tưv tuôx tưr tsơưs đuô tsaiz no, tiav sik têx tưv jông, chêr xưv zênhv đuô. Nhiv no, xã Ngọc Chiến muôx yax 2.000 tus tưv, iz tus muôx gri txix yênhx châuv triệu txos yênhx puô triệu đaiv nhiax. Tưz muôx máy uô kôngz lông, tưv tsik tâu laix, hair liax têz lơưv, taz sik cux muôx nux gri nhiax txiax siaz, paz pêx xênhv ntơưv no cxuz cêr yaiz pluôs, txix li zus tưv cơư guôx trơưk faz cêr hax huv.

Ntơư zos shông tiv 2, Jâus tưr “Fơư tưv jông gâux” tâu kriz chia haik tsênhz qơư sơưr, cêr tsiv gri ntơưv tus tưv hâur cêr uô kôngz, yôngv siaz nux gri nhiax txiax txix li zus tưv cơư guôx, muôx yar tiax uô si, cxơưz paz pêx xênhv zus tưv, muôx qơư chuôz cxơưz cxiv nuôv zax ntơưv nhiak jêx jok đrav ntêx yênhx txox đaz nênhs lok.