Nhiv no xã Tà Xùa muôx 13 luz jok, yax 11.000 toz hâu nênhs, hâur ntơư, Hmôngz txênhz yax 90%, phênhv ntâu zos Hmôngz đuz. Iz chas txuôs jông cưr tix Hmôngz têx txux chi cênhz cưv jông, Tà Xùa tsênhv muôx "huôz pư har" đros ntâu kror qơư jông li: Chax trôngz khủng long, têx trôngz yuôx zêx lâuk nhoz jok Tà Xùa thiaz jok Bẹ... yênhx kror qơư nuôv zax jông tâu ntâu têx kruô đêz jê pâuz txos, tuôx shuôk thiaz nuôv zax.

Siz chos cê txuôs jông txux chi đros trâu huôv tsar nuôv zax truôx njês, paz pêx xênhv muôx hâux lưv uô thiaz por hưv luz nênhx tâu jông, têx shông đhâu, xã Tà Xùa tưz kriz tsik so ntâu cxênhx xưv txux chi, haik cưr cxiax jông, li: Hnuz grâuv pax Txux chi Hmôngz, Hnuz grâuv pax Huôz pư har Tà Xùa, Hnuz grâuv pax chaix nênhk saiz huôz, chơư yênhx cxênhz tus kruô tuôx ndis shuôk txux chi Hmôngz, nox jâuz mor thax tsav.

Đros trâu njiaz luk "Txuôs jông thiaz huôv tsar txux chi Hmôngz hâur ntu đros oz chas têz siz khov cêr lax luôv thiaz huôv tsar truôx njês", Hnuz grâuv pax txux chi Hmôngz xã Tà Xùa shông 2025 tâu kriz đros trâu muôx ntâu hâux lưv jông, li: Nthuôr haik cưr cxiax, đhia kênhx, paz nênhs đhia kênhx, zênhx zav Tà Xùa jông; nria tơưv lâus pax ntâuz. Iz chas ntơư, ntâu qar tsêr huv tsênhv kria pâuz, nthuôr muôs thax tsav têx huv kôngz txir nox jông txơưr hlo.

Hâur hnuz grâuv pax tsênhv kriz tưr thể thao hair nênhs tsơưs, têx cêr uô si pêx xênhv tênhx tus. Đros trâu muôx 13 paz tưr, zuôr luôs 100 vận động viên nhoz ntơưv têx jok tuôx tưr têx môn li: Por poz, truz hluô, njuôk jos, tuô hnênhr, ntâuk vêx vôngs, tuôr nduôr blêx...

Hnuz grâuv pax chơư chôngz lênhx tox siaz tuôx saiz buôx têk nxias, chox tâu pêx xênhv cxuô luz jok tox siaz cêr thôngx siaz, shir phaz bax tok shông yiaz thiaz nox tsiaz cênhz cưv Hmôngz.